Қазақстан коммунистік халық партиясы елде кең ауқымды неси амнистиясын жариялау керек дейді. Яғни банктерге берешігі барлардың қарызы кешірілсе дейді. Бұл туралы бүгін парламентте мәжілісмен Айқын ҚОҢЫРОВ үкімет басшысы Асқар МАМИНГЕ депутаттық сауал жолдады.
«Қазақстанда кең ауқымды несие амнистиясы жариялау керек. Оған осы уақытқа дейін салықтарын төлеген, жұмыс орындарын ашқан, бірақ пандемияға байланысты қиын жағдайға тап болған кәсіпкерлер мен жекелеген адамдар ілігуі қажет», - деді коммунист депутат Қоңыров.
Оның айтуынша, амнистия жариялау үшін мемлекеттік комиссия құрылуы керек. Арнайы аудит жүргізіліп, комиссия құрамына барлық тараптар кірсе дейді. Қызығы, несиелік амнистия жайлы Қазақстан Демократиялық партиясын құру бастамашыл тобының жетекшісі Жанболат МАМАЙ көтеріп жүр. Оның бұл ісін «пополизмге» балағандар да болды.
Айтпақшы, 13 қыркүйек күні Жанболат Мамай осыған байланысты Алматы және Ақтөбе, Қарағанды, Семей қалаларында рұқсат етілген митингі өткізді.
«2008 жылдан бері банктер мемлекет қазынасынан көмек ретінде он триллион нан астам теңге алды. Қайда кетті сол ақша? Ал несиелік амнистия – халыққа көрсетілетін нақты көмек. Қазір кепілі жоқ несие мен микрокредитке бес жарым миллион адамның 4,4 триллион борышы бар екен. Біз сол қарызды кешіруді айтып отырмыз. Мұны популизм деп сынап отырғандар билік жекеменшік банктерге Ұлттық қордан миллиардтап ақша бөліп жатқанда қайда қалды? Неге дымы шықпай отырды?», - деген еді саясаткер Азаттыққа берген сұхбатында.
Табиғатынан капиталистер мен буржуйларға қарсы болуы тиіс коммунистердің Мамай бастамасын әуелде көтеруі тиіс еді ғой. Әлде тіркелуге талаптанып жатқан демпартиялықтарды осылай қолдап отыр ма?
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
