Өз еркімен кететін шенеунік: Экс-әкім енді экс-директор

Malim Админ

  • 19.05.2021

Адам өлімінен кейін қызметінен кеткен Өскемен қаласының экс-әкімі Қуат Тұмабаев сауда және интеграция министрлігінде екі жылға жуық жұмыс істеген. 

Тұмабаевтың биографиясындағы адам өлімімен қатысы бар "қара дақтарына" қарамастан қызметке алған сауда және интеграция министрлігі бүгін БАҚ өкілдерінің сауалына жауап берді. Онда ведомстваның баспасөз қызметі Қуат Тұмабаевтың өзін білікті маман ретінде көрсеткенін және жұмысқа конкурс арқылы орналасқанын айтқан.

«Тұмабаев сауда және интеграция министрлігіне экспортты қолдау департаментінің директоры болып 2019 жылдың қазан айында қызметке орналасты. Қызметке қабылдау кезінде Тұмабаев қойылатын талаптарға сай болды және өзін экспортты жылжыту саласында білікті маман ретінде көрсетті», - делінген мәлімдемеде.

Бұдан бөлек, сауда және интеграция министрлігі Қуат Тұмабаевтың  "2021 жылдың 11 мамырында өз еркімен қызметінен кеткенін" хабарлады. 

2018 жылы сәуір айында Шығыс Қазақстан облысының Риддер қаласында жергілікті әкімнің орынбасары Бауыржан Қуанбаев мас күйінде BMW X5 көлігімен жаяу жүргінші Евгений Смольниковті қағып кетіп, салдарынан ол оқиға орнында қайтыс болған. Осы жылдың маусым айында сот Қуанбаевты бір жылға бас бостандығынан айырып, бес жылға көлік жүргізу құқығын шектеген. Оқиға болған уақытта Бауыржан Қуанбаевтың қасында дәл осы Қуат Тұмабаев болған.

Бұдан бөлек, іс барысында қайтыс болған Евгений Смольниковтің әкесі Виктор Смольниковтің үйінің алдында соққыға жығылғаны белгілі болған. Аталмыш оқиға бойынша іс қозғалып, облыс әкімі Даниал Ахметов халықты «алдын ала тон пішпеуге» шақырған.

2018 жылы тамыздың 1-і күні осы іске қатысты Риддер қаласының жол-потрульдік қызметінің полиция инспекторы Сымбат Қарақұлов жұмысынан босатылған. Ол оқиға кезінде Тұмабаевтың мас күйінде рөлде болғанын және полицияның тоқта деген бұйырығына құлақ аспағанын айтқан. Кейіннен Қуат Тұмабаев инспекторды ар-намысыма тиді деген желеумен сотқа беріп, жеңіліп қалған.

13 тамызда облыс әкімі Даниал Ахметов Қуат Тұмабаевқа отставкаға кетуге ұсыныс жасаған Арада үш күн өткен соң, тамыздың 16-ы күні Тұмабаев қызметінен кетіп, оның орнына Жақсылық Омар келген.

 

Байланысты жаналықтар

«Ұлымды өлтірген полицейлер жазаланбады»

21.05.2021

Даниал Ахметов Шығыс Қазақстан облысының кәсіпкерлерімен соттасып жатыр  

08.11.2021

Ахметовтың екі қызметкері парамен ұсталды

06.02.2020

Өскеменде өрттен қаза тапқан бес қызға ас берілді

07.02.2020

Ұшты, ұшты – әкім 26 миллионға ұшты

26.11.2020

Ахметов ардагерге бармай жатып, ақталды

05.05.2021
MalimBlocks
«Ұлымды өлтірген полицейлер жазаланбады»

Даниал Ахметов Шығыс Қазақстан облысының кәсіпкерлерімен соттасып жатыр  

Ахметовтың екі қызметкері парамен ұсталды

Өскеменде өрттен қаза тапқан бес қызға ас берілді

Ұшты, ұшты – әкім 26 миллионға ұшты

Ахметов ардагерге бармай жатып, ақталды