Путин Қытайға барды: келіссөздер басталды
Ресми бөлімнен кейін Ресей мен Қытай басшылары бейресми жағдайда әңгімелеседі.
Ресей президенті Владимир Путин мен Қытай төрағасы Си Цзиньпин шағын құрамдағы келіссөздерді бастады, деп хабарлайды РИА Новости.
Путин Қытайға екі күндік мемлекеттік сапармен барды, бұл оның инаугурациядан кейінгі алғашқы сапары.
Келіссөздер барысында Ресей басшысы Си Цзиньпинмен екіжақты қарым-қатынасты, сондай-ақ халықаралық проблемаларды, соның ішінде Украина, Таяу Шығыс және Азия өңіріндегі жағдайды егжей-тегжейлі талқылауға ниетті.
Жоғары деңгейдегі келіссөздер делегациялардың қатысуымен кеңейтілген құрамда жалғасады.
Кездесу нәтижесінде бірқатар бірлескен құжатқа, соның ішінде Путин мен Си Цзиньпин қабылдайтын жан-жақты серіктестік пен стратегиялық өзара іс-қимыл қатынастарын тереңдету туралы мәлімдемеге қол қою жоспарлануда.
Ресми бөлімнен кейін Ресей мен Қытай басшылары бейресми жағдайда әңгімелеседі.
Сонымен қатар көшбасшылар Қытай Халық Республикасы төрағасының атынан мемлекеттік қабылдауға және елдер арасындағы дипломатиялық қарым-қатынастың орнағанына 75 жыл толуына арналған гала-концертке қатысады.
Мемлекеттік сапар екі күнге созылады және екі кезеңде өтеді: 16 мамырда Путин Бейжіңде болса, 17 мамырда Хэйлунцзян провинциясының әкімшілік орталығы Харбин қаласына барады.
Фото: myseldon.com
Байланысты жаналықтар
MalimBlocks
