Путин Смайыловтың қолын алмады

Тоқаев Путинді күтіп алуға Смайыловты жіберіпті...

  • 13.10.2022
В.Путин / Фото: ТАСС

Бүгін Қазақстанға Ресей президенті Владимир Путин келді. Ол Азиядағы өзара іс-қимыл және сенім шаралары жөніндегі кеңестің VI саммитіне қатысу үшін Астанаға арнайы келіп жатыр.

Путинді Қазақстан президенті Қасым-Жомарт Тоқаев күтіп алған жоқ, орнына премьер-министр Әлихан Смайыловты жіберді. Путиннің ұшақтан түскен сәті таспаланған видеода Путин өзін күтіп алуға шыққан Смайыловқа алыстан қол көтеріп, траптан түскен бойы тоқтамай, көлікке отырады.

Смайылов Путинді ғана емес, Қырғызстан президенті Садыр Жапаров пен Әзірбайжан президенті Илхам Әлиевті, Беларусь президенті Александр Лукашенконы, Тәжікстан президенті Эмомали Рахмоновты, Иран президенті Ибрахим Раисиді, Өзбекстан президенті Шавхат Мирзиеевтерді қарсы алған. Оның барлығы Смайыловпен қол алысып, ілтипат білдірген. Смайылов тіпті кейбір президенттерді гүлмен қарсы алған.

Жалпы, мұндай ресми қарсы алуларда бәрі алдын ала келісіледі десек, Путин гүлден де, қолдан да бас тартқан сияқты. Оның бұл әрекетін Тоқаевтың өзі күтіп алмағанына көрсеткен қыры деп бағалап жатқандар бар.

Қасым-Жомарт Тоқаев кеше Түркия президенті Режеп Тайып Ердоған мен Қатар әмірі шейх Тәмим бен Хамад Әл Тәниді өзі күтіп алды.

Осы жылдың сәуір айында Қасым-Жомарт Тоқаевты Ресейге барған сапарында оны Внуково-2 әуежайынан сыртқы істер министрінің орынбасары Александр Панкин мен министрліктің әкімшілік хаттама департаментінің бастығы Игорь Бордашев күтіп алған. Бұл «қасақана көңіл бөлмеушілік» ретінде қоғамда біраз талқыға түскен.   

Байланысты жаналықтар

Қостанайда Қазақстан мен Ресейдің XIX өңіраралық ынтымақтастық форумы басталды

09.11.2023

Түркі мемлекеттерінің ұйымы бірқатар мәселеге басымдық бермек

03.11.2023

Е.Досаевтың Қ.Тоқаевқа айтқан қауіпсіз жерлерін алматылықтар білмейді

13.10.2023

Қадыров Путинді сайлау өткізбей-ақ президент етуге шақырды

09.10.2023

Вагнер жалдамалы әскері Батысқа барғысы келеді

24.07.2023

Назарбаевты мақтағандар енді Тоқаевты мадақтауда

20.07.2023
MalimBlocks
Қостанайда Қазақстан мен Ресейдің XIX өңіраралық ынтымақтастық форумы басталды

Бүгін Қостанайда «Ауыл шаруашылығы – мықты экономиканың негізі» тақырыбында Қазақстан мен Ресейдің XIX өңіраралық ынтымақтастық форумы басталды.

Түркі мемлекеттерінің ұйымы бірқатар мәселеге басымдық бермек

«Түркі әлемі» атты жаңа брендті дәріптеуіміз керек

Е.Досаевтың Қ.Тоқаевқа айтқан қауіпсіз жерлерін алматылықтар білмейді

Алматы қаласының әкімі Ерболат Досаев президент Қасым-Жомарт Тоқаевтың қабылдауында болып, жұмысына есеп берді. Атқарылған жұмыстардың ішінде ол  «Алматыда төтенше жағдай кезінде көпшілік жиналатын 545 қауіпсіз орын бар» деп мәлімдепті. 

Қадыров Путинді сайлау өткізбей-ақ президент етуге шақырды

Шешенстан басшысы Рамзан Қадыров келесі жылдың наурыз айына белгіленген Ресей президенті сайлауын өткізбеуге шақырды. Бұл ойын ол Грозный орталығында Ресей президенті Владимир Путиннің туған күніне арналған шарада айтқан.

Вагнер жалдамалы әскері Батысқа барғысы келеді

Беларусь басшысы Пригожиннің жалдамалы әскері Варшаваға «қыдырып» барғысы келетінін хабарлады. 

Назарбаевты мақтағандар енді Тоқаевты мадақтауда

Шығыс Қазақстан облысы Тоқаевты мадақтайтын бейнероликке 5,2 миллион теңге жұмсаған.