Қазақстан территориясы – Ресейдің берген сыйлығы. Ресей мемлекеттік «Первый канал» телеарнасында дума депутаты Вячислав Никонов осылай деп салды. Никонов қатардағы көп депутаттың бірі емес. Ресей Федерациясы мемлекеттің думасының білім және ғылым комитетінің төрағасы. Ресей білімі мен ғылымына қарап отырған Никонов «Большая игра» бағдарламасында «Қазақстан деген болған емес, Солтүстік Қазақстанда адам тұрған емес. Олар [қазақтар] болды әйтеуір, бірақ, оңтүстікке қарай өмір сүрді. Яғни, айналып келгенде, Қазақстан территориясы Ресей мен Совет одағының берген үлкен сыйлығы. Орталықазия елдерінде де осындай жағдайаттар бар»,- депті.
Никонов мұнысымен қоймай бүйтіп бөсіпті.
«Белоруссияны басып алғаны менің тегі есімде жоқ. Поляктардан бірдеңені басып алған жағдайлар болды. Иә, иә, Шығыс Украинаны басып алдық, Түркиядан тартып алып. Мұны қазір неге "басып алды" деп жүргендерін тегі түсінбеймін. Грузияны да басып алған ешкім жоқ, олар тап Армения сияқты түркітердің қысымынан қашып келді».
Енді, осы сөзді кім және қайда айтты дегенге қайта тоқталсақ. Вячислав Никонов Ресей Федерациясы мемлекеттің думасының білім және ғылым комитетінің төрағасы! Кремль мен Ақорда тең дәрежедегі әріптес, көрші, мүдделес елдерміз деп келеді. Сол достық пен қарым-қатынасты хаттап, құжаттап, бекітіп отыратын ресми орын Думаның анау-мынау емес комитет төрағасы араға жік салатын, саяси араздық тудыратын осындай пікір айтып жатқаны қалай?
Екіншіден, пікір Ресей мемлекеттік «Первый канал» телеарнасының мінберінде айтылды. Демек, бұл Қырымның шаруасын шешіп тастаған Кремельдің ендігі жаңа саясаты, жаңа жерін іздеу бастамасы деген сөз бе? «Первый канал» телеарнасының таралуы бүкіл Қазақстанды басып тұрғаны белгілі. Яғни, ондағы әрбір сөз ел ішін ала тайдай бүлдірері анық.
Ал біздің Сыртқы істер министрлігі мен мемлекеттік БАҚ-та күштері тасып тұрған Парламент неге ай қарап отыр?
Никоновтың мәлімедемесіне қатысты әзірге әлеуметтік желіде бірлі-екілі белсенді ғана үн қатқандай болды. Ал ресми орындар үнсіз. Оларды да бір жағынан түсінуге болатындай. Өйткені, "қазақта бұрын соңды шекара болмаған" деген сөзді ең бірінші айтқан Ресей басшысы В.Путин емес.
Байланысты жаналықтар
MalimBlocks
Дело о захвате аэропорта: здание суда закрыли для посетителей и адвокатов
Здание алматинского горсуда закрыли для посетителей и адвокатов во вторник, 19 сентября. Известно, что в одном из залов судебных заседаний идет апелляционное рассмотрение жалобы на приговор суда первой инстанции, по которому осуждены активисты Айгерим Тлеужан, Калас Нурпеисов и еще трое алматинцев.