«ҚазМұнайГаз» ҰҚ» АҚ басшысы Алик Айдарбаев отставкаға кетуге өтініш берді. Бұл туралы КазТАГ жеке дереккөзіне сілтеме жасап хабарлады.
Дереккөз мәліметінше, Айдарбаевпен бірге оның орынбасы Данияр Тиесов те өтініш жазған. Сондай-ақ хабарламада ҚМГ жаңа басшысы қызметіне президенттің қазіргі кеңесшісі Мағзұм Мырзағалиев пен «ҚазМұнайГаз» басқарма басшысының орынбасары Құрманғазы Исқазиев бекітілуі мүмкін екені айтылған.
Айдарбаев «ҚазМұнайГазды» 2018 жылдан бері басқарып келеді.
ҚМГ баспасөз қызметі Malim.kz журналисінің Айдарбаев пен Тиесовтің отставка кету туралы өтініш бергені рас па деген сұрағына бұл ақпарға қатысты әзірге нақты жауап бере алмайтындарын жеткізді.
