Роман Скляр жаңа қызметке тағайындалды
Бекітілген регламентке сәйкес, орталық қызметіне жалпы басшылықты Премьер-министрдің бірінші орынбасары жүзеге асырады.
Премьер-министрдің бірінші орынбасары Роман Скляр Қазақстандағы жаңа құрылым – Ұлттық инвестициялық қызмет орталығын басқарады, деп хабарлайды Malim.kz.
1. Инвестициялық қызмет жөніндегі ұлттық орталық құру. 2. Ұлттық орталық өз қызметін Қазақстан Республикасы Үкіметі аппаратының индустриялық және инфрақұрылымдық даму бөлімінің құрылымы негізінде жүзеге асырады, - делінген Үкіметтің өкімінде.
ҰИҚО-ның міндеттері:
Инвестициялар тарту кеңесі хатшылығының қызметін ұйымдастыру;
бәсекеге қабілетті инвестициялық ахуалды құру үшін реттеушілік саясатты жетілдіру жөнінде ұсыныстар тұжырымдау;
Үкімет басшылығының тапсырмасы бойынша инвестициялық жобаларды сүйемелдеу және олардың іске асырылуын мониторингтеу;
мемлекеттік көрсетілетін қызметтерді ұсыну жөніндегі инвестициялық жобаларды сүйемелдеу және олардың іске асырылуын мониторингтеу кезінде салааралық үйлестіру;
инвесторларға мемлекеттік көрсетілетін қызметтерді жүзеге асыратын мемлекеттік органдардың бизнес-процестерін жетілдіру жөнінде ұсыныстар тұжырымдау.
Премьер-министрдің бірінші орынбасарын ИҚҰО жұмысының нәтижелері туралы тоқсанына бір реттен сиретпей хабардар етіп тұрады.
Бекітілген регламентке сәйкес, орталық қызметіне жалпы басшылықты Премьер-министрдің бірінші орынбасары жүзеге асырады. Бұл лауазымды қазір Роман Скляр атқарады.
Фото: vlast.kz
Байланысты жаналықтар
MalimBlocks
