Саясаткер: Назарбаев «Тәуелсіз Қазақстанның негізін қалаушы» емес    

Назарбаевтың туралы конституциялық заң күшін жояды. Алайда, ол заңда экс-президентке «Тәуелсіз Қазақстанның негізін қалаушы» деген статус берілмек.    Конституциялық реформа жөніндегі жұмыс тобы осындай шешімге келіп отыр.

Жұмыс тобының ұйғаруымен Назарбаевтың өкілеттіктеріне қатысты барлық норма алып тасталмақ.  «Заңда экс-президенттің жаңа мәртебесі бекітілмейді, тек оның тарихи рөлі нақтыланады» деді осы топтың мүшесі Әбдірасылов.  
Әбдірасыловтың айтуынша, бұл статустың маңызы зор.  

«Себебі оның еңбегі, қазіргі объективті деректер, оны біз бәріміз көріп отырмыз, оны бүкіл әлем көрді, ол Конституцияда бекітілетін болады», - деп мәлімдеді ол.
Ал саясаткер Балташ Тұрсымбаев Ата Заңға мұндай мәртебені енгізудің негізі жоқ деп санайды.

 «1995 жылғы Конституцияда ондай норма жоқ. Бірақ, бұлар Назарбаевты әспеттеп, заңға жазып қоймақшы. Бұл – заңға қарама-қайшы. Ол Қазақстан Тәуелсіздігінің негізін қалаған жоқ. Конституцияда «Байырғы қазақ жерінде мемлекеттілікті құрған» қазақ халқы», дейді ол.  

Өткен аптада министр Қ.Мусин Назарбаевқа қатысты заң өзгере ме деген сауалға жауап берген. Мусин өз сөзінде «Қазақстан Конституциясы бойынша заңнамалық бастама жасау құқығы үш субъектіге – президентке, үкіметке және парламент депутаттарына тиесілі. Тұңғыш президент туралы заңнаманың күшін жою немесе өзгертулер енгізу туралы парламентке ұсыныс енгізуге құқығы жоқ»,  деген. 

Сондай-ақ, министр аталған заңға өзгеріс енгізу үшін халық пікірі ескерілетінін айтқан болатын. Алайда, Ата заңды өзгерту бойынша жұмыс тобы аса сеніммен сөйлеп отырғанына қарағанда, бұл  мәртебе енгізілмей тоқтамайтын сияқты.

Айбын Атабай