Су бойынша Қырғызстанға тәуелділік қашан азаяды? Министр Брекешов жауап берді  

Бұл сұраққа Мәжілістегі Парламенттік тыңдауда Экология министрі Брекешов жауап берді. Оның айтуынша, қырғыз тарапынан алатын судың бір бөлігін жергілікті су қоймаларын салу арқылы қамтамасыз етуге болады. Суға деген тәуелділікті азайту үшін Жамбыл облысында 3 су қоймасын салу жұмысы басталады. Суару қажеттігі үшін жерасты көздерін пайдалану көлемі ұлғаяды.

«Шу және Талас өзендері бойынша қырғыз тарапымен мемлекетаралық пайдаланудағы гидротехникалық құрылыстарды күтіп ұстауға және реконструкциялауға бөлінетін қаржыны көбейту бойынша жұмыс жүргізіліп жатыр», - деді ол.  Мәжіліс төрағасы Қошановтың мәліметі бойынша, 2040 жылға қарай Қазақстанда су тұтыну 46 пайызға артады.