Қытаймен шекарада кедендік бақылау кезінде киік мүйізін алып өтпек болған қазақстандық ұсталды. Тексеріс кезінде «Toyota» автокөлігінің қосалқы дөңгелегінен киік мүйіздері жасырылғаны анықталған.
«Заң бұзушылық жүргізушімен әңгімелесу және көлік құралын тексеру барысында анықталды. Жол талғамайтын көліктің жүргізушісі қосалқы дөңгелекте 205 дана ақбөкен мүйізін алып өтпек болған. Бұл көлік Қазақстан Республикасынан «Қорғас ХШЫО» АЭА аумағына келе жатқан», - делінген Мемлекеттік кірістер комитетінің хабарламасында.
Қазіргі уақытта ҚР заңнамасында көзделген процессуалдық әрекеттер жүргізілуде.
Фото: Мемлекеттік кірістер комитеті баспасөз қызметі
