«Артық әңгіме айтпаңыздар!»: Нұрсұлтан Жақсыгеннің бұрынғы әйелі ажырасуға қатысты нүкте қойды

Жақында ғана отбасымен ажырасып кеткен актер Нұрсұлтан Жақсыген жан сырын ақтарып, әйелін сағынғанын айтқан еді. Актердің әйелі блогер Фариза Алмаз мәлімдеме жасап, күйеуімен қайта қосылмайтынын жеткізді, деп хабарлайды Malim.kz.

Нұрсұлтанның сұхбатын, видеоларын, стористарын жібермеген адам жоқ шығар, бәрін көрдім, Астанаға келді, кешірім сұрады, балаларын көрді. Қайта қосылмаймыз! Нұрсұлтанды кешірдім! Өзім үшін, ішімдегіні жіберу үшін. Бірақ артқа жол жоқ! Қайта бірге бола алмаймыз. Әркім өз жолымен кетті! Қосылыңдар деп артық әңгіме айтпаңыздар! Әркімнің ақылы өзіне!, деп жазды Фариза. 

Оның айтуынша, күйеуімен ажырасқандарына 1 жылға жуық уақыт болған.

 Ажырасқанымызға сәуірде бір жыл толады. Негізі үндемей қоя салайын деп едім, барлық жерге шығып кеткеннен кейін шықпасқа амал болмады. Иә, бүкіл халықтың алдында да кешірім сұрады, өзімнен де кешірім сұрады. Мен кешірдім! Бірақ қайта бірге болмаймыз, өткенді айта берудің қажеті жоқ. Осымен бұл тақырып жабылсын. енді сұрамаңыздар. Бәрі бітті! Қайта қозғай бергеннен пайда жоқ, деп жазды блогер. 

Айта кетейік, актер бұған дейін отбасының аяқасты екі жаққа кеткенін және бала-шағасыз үйінің қаңырап қалғанын айтып, жан сырын ашты.

Фото: әлеуметтік желі