«Ауруың құтырады екен»: әнші Шаһизада денсаулығы сыр беріп жүргенін айтты

Қазақстандық танымал әнші Шаһизада қыздар қауымына денсаулықты күту керектігін тағы бір еске салды, деп хабарлайды Malim.kz.

Өзіңді күтпесең, болмайды екен. Мен шауып жүре бергенмін, содан белім, омыртқам ауыра бастады. Негізі бұрыннан келе жатқан сырқат екен, мен өзімді күтпегенмін. «Ештеңе етпейді» деп спортқа барып, дәрумендерімді ішіп жүре беріппін. 10 жылдан бері ауырып жүр. Кейде өзінен-өзі қойып кететін. Мән бермейтінмін. Қыста вирустан қатты ауырғанмын, сол кезде бар ауруың құтырады екен. Қазір денсаулығыммен осындай жағдай болып жатыр. Сол жақтағы бүйрек те онша емес. Қан қысымы кішкене көтерілген, деді әнші.

Шаһизада бала-шағаның қамы деп жүріп өзіне күтім жасауды ұмытып кететін әйелдерге ақыл айтты.

Денсаулық – зор байлық. Ауырғанда ештеңенің қажеті жоқ дейміз ғой, бірақ бала-шағаң өзіңе қарап отырса, жай отыра алмайды екенсің. Емделіп жүріп бір ойым балаларымда. Ертеңге қалдырмай, денсаулығыңызды күтіңіздер. Бай-қуатты болыңыздар! деп жазды ол.

Сонымен қатар өнер иесі дұрыс тамақтанудың да пайдасын атап өтті.

Күнделікті алма, сәбіз, қызылшадан жасалған сусынды ішемін. Бұл енді бауырға да, бәріне де ем. Кешке тамақ ішпеймін, өйткені салмақ қосқанның кесірінен менің белім қазір ауырып жүр, деді әнші. 

Фото: instagram.com/shahizada.art