«Мүлдем әнші емеспін». Гүлзира Айдарбекова тойда неге ән шырқайтынын түсіндірді
Көпшілік продюсерді әнші Шаһизадамен салыстырған
Белгілі продюсер, Қайрат Нұртастың анасы Гүлзира Айдарбекова желідегі оқырмандарына не үшін ән айтып жүргенін түсіндірді, деп хабарлайды Malim.kz.
Продюсер желіде әнші Шаһизадамен бірге видео түсіріп, жариялаған. Ал желі қолданушыларын Гүлзира Айдарбекованың неліктен ән айтып жүргенін сұрап, сыни пікірлер қалдырған.
“Шәкеңнің сахнада жүргеніне 40 жыл толды емес па?! Мен мүлдем әнші емеспін. Мені әнші еткен – халық. “Қызымды ұзатып бер”, “Ұлым мен келінімді кіргізіп бер”, “Аға екеуіңіз той алдында әннен шашу шашсаңыздар”, “Жолдарыңызды берсін” деп өтініш жасайтын жандар көп. Көңілдерін қимай, келісеміз. Қуаныштарына ортақ боламыз. Өзіме продюсерлік жұмысым ұнайды. Сол жұмысым бәрінен жоғарырақ. Жалпақ тілмен айтсам, продюсер – зауыт, әнші – өнім. Продюсер мықты болса, әнші жоғалмайды. Жаңа, түрлі жобалар жасайды. Спортшылардың да бапкері мықты болса, чемпион болады. Сол секілді дүние”, – деді продюсер.
Фото: әлеуметтік желі
