«Өте қорқынышты». Талғат Жорабаевтың әйелі хиджабын шешкен қыздардың әрекетін сынады

Әнші Талғат Жорабаевтың әйелі Аяулым Жорабаева хиджабқа қатысты пікірін білдірді. Ол орамалын шешкен қыз-келіншектердің әрекеті туралы ойын айтты, деп хабарлайды Malim.kz.

Әншінің әйелі 9 жылдан бері басынан орамал тастамағанын айтады.

2015 жылы жолдасым жұма намаздан келгеннен кейін, “Жан, орамалыңды таға берші. Бүгін бір ауыр уағыз тыңдадым” деді. Сол сөздері есімде қатты сақталды. Мен орамалға әрқашан дайын болдым. 5-ақ минутта тағып кеттім. Алланың қалауымен, орамал таққаныма 9 жыл болыпты. Толық дайын болып келгенде күйеуім де қолдады. Бірақ үнемі “Болашақта орамал тағамын” деп айта беретін едім. Орану – ойыншық емес. Әрі оны өзге жанға тықпалау дұрыс емес. Мен қанша жыл орамал тағып жүрсем де, дін туралы ештеңе айтқан емеспін.Өйткені пәлен жыл діни білім алған ұстаз емеспін. Орамалды әр әйел өз қалауымен тағуы керек. Ешкімді сынауға құқығымыз жоқ. Хиджабтың аудармасы: “жабыну, орану” деген мағына береді. Оны тек арабтар ғана емес, әлем мұсылман әйелдеріне міндеттелген дүние. Арабтану деген – қате”, – деп түсіндірді блогер. 

Блогер хиджабын шешіп тастаған әйелдерді көргенде жүрегі ауыратынын жасырмады.

Бұл тақырып қайдан шықты?! Оранып, сосын оны шешкен соң қайта әурет жерлерін түк болмағандай көрсете салу. Соларды көріп жүрегің ауырады екен. Олай ешкімді сынамасын, өте қорқынышты. Орамалды көтеріп жүру оңай емес, өйткені жауапкершілігі көп. Орамалдылар да пенде, оларда да эмоция бар, олар да қателеседі. Періште көкте ғана, жерде періште жоқ. Әйел адам намаз оқып жүріп, Қасиетті құрандағы орануға қатысты аятты біліп отырып, оранбаса жәннаттың иісі мұрнына да бармайды" деген сөз жүрегіме инедей қадалды. Намаз оқып бастаған соң, 4 жылдан кейін ғана орамал тақтым, – дейді ол.

Фото: instagram.com/ayauka_zhorabayeva