«Тыныс алудың өзі азап». Жұлдыз Әбдукәрімова жағдайы туралы айтты
Ол басына түскен қиындықтар мұнымен бітпегенін айтып, жұмыстан кету себебіне қатысты ағынан жарылды.
Белгілі актриса Жұлдыз Әбдукәрімова былтыр жаз бойы басы қатты ауырғаннан ем таппай, ауруханадан көз ашпаған күндерін еске алды, деп хабарлайды Malim.kz.
2024 жылы жаз бойы ауруханадан көз ашпадым. Басым қысып ауыратыны сонша, тыныс алудың өзі азап болатын. Дәрігерлер себебін таппай менімен бірге әбден қиналды. Басымды талай тексерістен өткіздік. Тауға да, тасқа да ұрдым деген осы шығар, - деп жазды актриса Instagram парақшасында.
Ол басына түскен қиындықтар мұнымен бітпегенін айтып, жұмыстан кету себебіне қатысты ағынан жарылды.
Былтыр сот мәселесі әбден қажытып, жұмыстан қол үздім. Ең алдымен «Хабар» арнасындағы «Оян» бағдарламасынан кеттім. Соңғы күндері көңілімді бағып, алаңдап екі ұл жұмысыма бірге келетін болды. Эфирде көрерменді алдай алмайсың. Сол себепті өз еркіммен жұмыстан кету үшін арыз бердім, - деп жазды Жұлдыз.
Фото: Instagram / zhuldyzabdukarimovaofficial
MalimBlocks
