Аймағамбетов: Ұстаздарды басқа жұмысқа тартқан 100-ден астам мектеп директоры жазаланды

Malim Админ

  • 08.04.2021

Қаңтардан бері "Мұғалім мәртебесі" туралы заңды бұзып, ұстаздарды міндетіне жатпайтын бөгде жұмысқа тартқан 100-ден астам мектеп директоры мен басқа да азаматтар әкімшілік жауапкершілікке тартылды. Бұл туралы бүгін өткен онлайн брифингіде білім және ғылым министрі Асхат Аймағамбетов хабарлады.

"Педагогтер заңнамаға сәйкес бөгде жұмысқа тартылмайды. Әрине, ол қосымша, ақысы төленетін және мұғалімдер өз қалауымен істейтін жұмыс болса, ол ұстаздың өз еркі. Өзіне тән емес қосымша жұмысқа тартудан заңнама қорғайды. Мұғалімдер тарапынан бізге қандай да бір бұзушылықтар жөнінде өтініш келіп түссе, олар құқығы бұзылғанын хабарласа, дереу арызды қарап, шешім қабылдаймыз. Заңнамаға сәйкес, мұғалімдерді бөгде жұмысқа тартқандарды жауапкершілікке тартамыз. "Мұғалімдердің мәртебесі" туралы заңға сәйкес, артық қағаз талап ету, басқа жұмыстарға тартуды анықтау бойынша жұмыстар жүргізудеміз. Мысалы, қаңтардан бастап барлық педагогикалық әдеп бойынша кеңестер жинадық. Қысқа мерзім ішінде 100-ден астам мектеп директоры мен басқа азаматтар заңды бұзғаны үшін жауапкершілікке тартылды. Бұл бізге түскен арыз бойынша нақты шешім қабылданып жатқанын көрсетеді", - деді Асхат Аймағамбетов.

"Педагог мәртебесі туралы" заң 2019 жылдың желтоқсанында қабылданған болатын. Осы заңға сәйкес, педагогті кәсіби міндетіне байланысты емес жұмыс түріне тартуға, заңнамада көзделмеген есептілікті не ақпаратты ұсынуды талап етуге, тауарлар мен көрсетілген қызметтерді сатып алу бойынша міндетті жүктеуге тыйым салынған. "Педагог мәртебесі туралы" заңның 6-бабының 2-тармағының талаптары осындай. Ал бұл тармақтағы талаптарды бұзғандар әкімшілік жауапқа тартылады. Мысалы, ұстаздарды кәсіби міндетіне байланысты емес жұмыс түріне тарту немесе заңнамада көрсетілмеген есептілікті талап ету, ұстаздарға тауарлар мен қызметтерді сатып алуды міндеттеу және мемлекеттік емес мекемелердің іс-шарасын өткізуге тарту Әкімшілік кодекстің 409-бабы 7-3-тармағы бойынша ескерту арқылы жазаланады. Ал егер бұл әрекет бір жылдың ішінде тағы қайталанса, "Педагог мәртебесі туралы" заңның жоғарыдағы баптарын бұзғандар  әкімшілік кодекстің 409-бабы 7-4-тармағы бойынша 20 айлық есептік көрсеткіштен(өкілетті тұлғаларға)  120 айлық есептік көрсеткішке  (ірі кәсіпкерлік субъектілері) дейін айыппұл салынады. Астын сызып айтатын нәрсе, педагогтың ар-намысы мен қаідір-қасиетін қорғауға да заңның бір тармағы арналған. Егер жеке тұлғалар мұғалімге тіл тигізсе, 30 айлық есептік көрсеткіш көлемінде айыппұл салынады. Бұл бапты екінші мәрте бұзғандарға 40 айлық есептік көрсеткіш көлемінде айыппұл салынады.

 

Байланысты жаналықтар

Нұрбай Кеңесбекұлы: Ұлттық ұлан патриот жастарды шыңдайтын құрылым

30.06.2024

Төрехан Майбас: Бізді осы күнге алып келген - қазақшылығымыз!

28.06.2024

Тіл корпустарын әзірлеу және жетілдіру ісі – аса маңызды тарихи-мәдени іс-шара

27.06.2024

Аңсаған Мұстафа: Ұлттық нақыштағы киім ұлттық сананың оянуына себеп

25.06.2024

Аякөз Еркінбекқызы: Жастарға Қазанғап, Әлшекей, Ақбала күйлерін саф күйінде жеткізгіміз келеді

24.06.2024

Бауыржан Азанов: Тікелей эфирде сот процесін өткізуге кім шешім қабылдады? Сол бәріне жауап береді

13.05.2024
MalimBlocks
Нұрбай Кеңесбекұлы: Ұлттық ұлан патриот жастарды шыңдайтын құрылым

«Жас бүркіт» деп аталатын 7 спорттық әскери-патриоттық клубы жұмыс істейді

Төрехан Майбас: Бізді осы күнге алып келген - қазақшылығымыз!

Тәңіріміз сыйлаған құтымыздың Иесі болуымыз керек!

Тіл корпустарын әзірлеу және жетілдіру ісі – аса маңызды тарихи-мәдени іс-шара

Қазақ тілінің корпус қорын арттыру, ішкі функцияларын жетілдіру ғылыми тұрғыдан да, тіл болашағы тұрғысынан да өте маңызды әрі өзекті.

Аңсаған Мұстафа: Ұлттық нақыштағы киім ұлттық сананың оянуына себеп

Ұлттық нақышты киім-кешекке принт түрінде түсіріп, ұлттық сананы жаңғырту жолдарын іздеген дарынды суретші, ұлт жанашыры Аңсаған Мұстафамен әңгімелесудің сәті түсті.

Аякөз Еркінбекқызы: Жастарға Қазанғап, Әлшекей, Ақбала күйлерін саф күйінде жеткізгіміз келеді

Ақбала Жаңқабылұлы мен Шағдар Ақылбековтың есімдері қалың көпшілікке таныс емес

Бауыржан Азанов: Тікелей эфирде сот процесін өткізуге кім шешім қабылдады? Сол бәріне жауап береді

Алқабилер сот шешімінің әділ шығарылуына ықпал ете алып отыр ма?