Танымал әзілкеш Тұрсынбек Қабатовтың қызы әлеуметтік желіде күтпеген әрекетімен жұрт назарын өзіне аударды, деп хабарлайды Malim.kz.
Threads желісінде Сымбат есімді қолданушы "Мөлдірдің қызы тоқал туралы жазбаны репост жасапты" деген жазба жариялаған. Кейін ол бұл ақпараттың скриншотын түсіріп, TikTok парақшасында бөліскен.
Желі қолданушылары бұл әрекетті Мөлдір Мұқан мен Тұрсынбек Қабатовтың ажырасуы жайлы соңғы сұхбаттармен байланыстырып, түрлі пікірлер жазды. Кейбірі қыздың әрекетін қолдаса, енді бірі мұны отбасылық мәселеге араласу деп бағалаған.
Еске сала кетсек, әнші әрі продюсер Мөлдір Мұқанова жуырда журналист Жанар Байсемізге берген сұхбатында Тұрсынбек Қабатовпен ресми түрде ажырасқанын ашық айтқан еді. Оның айтуынша, некенің бұзылуына дейін ерлі-зайыптылар арасында қиын кезеңдер мен түсініспеушіліктер болған.
