Қалта ұрлығы табыс табудың ең оңай жолы ретінде қарастырылғандықтан ұрлық жасайтындар саны күннен күнге артып келеді. Қаскүнемдер арасындағы ең танымал ұрлықтың түрі қалта ұрлығы.
Ұрылардың көп қолданатын тәсілдерінің бірі ол көп бағыттағы қоғамдық көліктік ішінде жасаған ұрлық. Себебі ол ұрлықшылар үшін өте ыңғайлы, адам көп орналасқандықтан бірден қолға түсіре алмайды. Ұрлық автобус салонының ортасында және үлкен есік маңында көп жасалады. Жолаушы затын жоғалтқанын түсініп үлгергенше, ұрлықшы ізін суытып үлгереді. Сол себепті автобусқа мінген кезде және түскенде абай болуыңыз керек.
Алматы қаласында қоғамдық көлік ішінде ұрлық жасаған адам бейнебақылау камерасы арқылы қолға түсті. Ол 29 жастағы, бұрын істі болған Әуезов ауданының тұрғыны Ф. есімді азамат.
Азамат 104 – бағыттағы қоғамдық көліктің жолаушысынан IPhone маркалы телефонды қоолды етті деген күдікпен қолға түсті. Қазіргі таңда күтікті қамауға алынып, сотқа дейінгі тергеу амалдары жүргізіліп жатыр. Полиция қызметкерлері бұл азаматтың қала аумағында басқа да қылмысқа қатысы бар – жоғын анықтап жатыр. Ұрланған мобильді құрылғы тәркіленді.
ҚР ҚПК-нің 201- бабы бойынша тергеу мүддесін көздейтін басқа да мәліметтерді жария етуге жатпайды. ҚР Конституциясының 77 – бабының 3 - тармағы 1 – тармақшасы бойынша, ҚР ҚПК – нің 19 – бабы мен 1- бөлігіне сәйкес заңды күшіне енген сот үкімімен анықталғанға дейін әрбір азамат қылмыстық құқықбұзушылық жасауда кінәзіз деп танылады.
Полиция қызметкерлері ұрыларыдың түрлері өте көп және қоғамдық орындарда өз затыңызға сақ болуға, сонымен қатар ұрлық орын алған кезде дереу құзырлы органдарға көмекке жүгінуге шақырады.
Қазіргі таңда ұрлықтың бұл түріне көбіне жасөспірімдер әуес келеді. Олар оқу орындары мен автобуста, тіпті көшеде топ болып жүруді әдетке айналдырған. Олардың ішінде тек біреуі ұрлық жасайды, ал қалғаны назар аудартушы рөлінде болады. Ұры затты қолды қылғаннан кейін оны келесі адамға дереу береді, ол келесіге жібереді. Соңында есікке жақын ұрғаны затты алып дереу түсіп кетуге тырысады. Сондықтан адамдар көп шоғырланған жерде ойға берілмей, сергек болып тұрғаныңыз жөн. Сондай-ақ құнды заттарыңызды көпшілік ортады сыртқа көрсетіп шығармағаныңыз да ұрлықтың алдын алады.
Полиция қызметкерлерінің айтуынша ұрылар көбіне әйел адамдарды, жас қыздарды жиі тонап жатады. Қазір смартфондар жиі ұрланады. Олар көбіне оңай жерде тұрады. Сол себепті ұрыларға бір затты қолды қылу үшін бұрынғыдай арнайы құралдар пышақ, ұстара деген заттар қажет емес.
Байланысты жаналықтар
MalimBlocks
