Ақтөбе облысының әкімі «Елбасына» 104 млн теңге жұмсамақ
Ақтөбе облысының әкімі Ералы Тоғжанов 104 млн теңгеге «Елбасы медалін» шығармақ.
Ақтөбе облысы «Елбасы медалін» беру бағдарламасына 104 миллион жұмсап оны жастарға бермек. Облыстың әкімі Ералы Тоғжанов елбасының мәртебесін заңнан алып тастағанын білмейтін сияқты,- деп жазады PROTENGE. Әйтпесе «Елбасы медалін» 14 пен 29 жас аралығындағы жетістікке жеткен жастарға бермес еді. Өйткені медаль иелері жеті бағытта жетілген болуы шарт: спорт, машық және талант, оқу, ұлттық құндылық, туристік сапарлар және жұмыс тәжірибесі. Бағдарлама бойынша жеңіп шыққандар Назарбаевтың бейнесі бар алтын, күміс, қола медальдардың иегері болады. Ең қызығы Елбасы мәртебесінен айырылған экс-президент атындағы медаль неліктен бюджеттен қаржыландыратыны? Негізінде мұндай жобаларды Назарбаевқа тиесілі миллиардтаған активтері бар «Назарбаев қоры», «Нұрсұлтан Назарбаев қоры», «Демеу» қоры, «Елбасы қоры» қаржыландыру керек.
