«Қаңтар оқиғасы» ісі бойынша ұсталған 6 адам уақытша тергеу изоляторында қайтыс болған. Мұны Бас прократура өкілі «Казахстанская правда» газетіне берген сұхбатта айтты.
"Жақында ғана тергеу барысында рұқсат етілмеген әдістерді қолдану фактілері бойынша қылмыстық істерді қабылдап алдық. Бұған дейін оларды тергеумен сыбайлас жемқорлыққа қарсы қызмет органдары айналысқан. Бізге тергеуге тек ауыр зардап келген, нақты айтсақ, ұсталғандардың өлімі тіркелген жағдайлар берілді", - деп мәлімдеді Бас прокуратураның арнайы прокурорлар қызметінің басшысы Ризабек Ожаров.
Ожаров тергеу барысында алты қаза тапқанын айтып, бұл әрекет жаппай сипатқа ие емес екенін мәлімдеді.
"Бізде бар дерекке сай, Алматыда уақытша ұстау изоляторы жағдайында 2, Шығыс Қазақстан облысында - 3 және Талдықорғанда 1 адам қайтыс болған. Бұдан бөлек әлі күнге дейін тергеу изоляторында отырған үтік қолдана отырып, ауыр азаптауға тап болғаны жайлы айтылған даулы істі де назарымызға алдық. Бұл іс бойынша тергеу амалдары жалғасып жатыр, қосымша ақпар алдағы уақытта берілетін болады. Алайда мұндай қылмыс жаппай сипат алмағанын атап айта аламын", - дейді Ожаров.
Сондай-ақ Ризабек Ожаров тәртіпсіздік қатысушыларына қатысты ақпаратты бөлісті. Оның сөзінше, тәртіпсіздікке қатысқандардың басым бөлігі 20-30 жас аралығындағы жастар. Оның кейбірі әлеуметтік және саяси талаппен шықса, енді бірі жағдайды пайдаланып, тонау және бұзақылық әрекетін іске асырған.
Күдіктілердің арасында 8 шетел азаматы бар: бесеуі Алматыда, екеуі Шығыс Қазақстан облысында, тағы бірі Жамбыл облысында ұсталған.
Байланысты жаналықтар
MalimBlocks
