Фото ғаламтордан алынды.
Құжат еліміздегі барлық әлеуметтік желілер мен басқа да қызметтерді интерфейстерін мемлекеттік тілге аударуды міндеттейді. Сонымен қатар онлайн-жарнама, инфлюенсер және жалған ақпарат ұғымдары енгізіліп отыр. Бұдан былай өз парақшаларында жарнама орналастыратын әлеуметтік желі пайдаланушылары оны ақылы екенін көрсетуі керек және блогерлер салық төлеуге міндеттеледі. Ал жалған ақпарат үшін жаңа айыппұл енгізіледі, халыққа көп зиян тигізбесе, 20 АЕК (69 000 теңге) мөлшерінде айыппұл салынады. Ал осы әрекетті қайталанған жағдайда айыппұлдың көлемі екі есеге артады. Заңды тұлғалар да тиісті тәртіппен жазаға тартылады.
Осы заң аясында Қылмыстық және Кәсіпкерлік кодекстерге «онлайн-платформа» және «онлайн-жарнама» ұғымдарын енгізуге байланысты Қылмыстық, Кәсіпкерлік кодекстерге, «Қазақстан Республикасындағы Бала құқықтары туралы», «Жарнама туралы», «Білім туралы», «Ақпараттандыру туралы» заңдарға түзетулер енгізіледі.
Сенат депутаттары «Интернет-платформалар мен онлайн-жарнама туралы» заңды екі оқылымда мақұлдады. Құжат президенттің қол қоюына жіберілді.
Байланысты жаналықтар
MalimBlocks
