Белсенді дәрігер, балалар невропатологы Қайырғали Көнеев кеше тағайындалған денсаулық сақтау министрі Алексей Цой ең алдымен қандай мәселені шешу керектігін тізді.
"Біріншіден, коронавирус инфекциясы бақылаудан шығып кеткені бәріне белгілі. Мұндай жағдайда министрліктің "қашықтан" жұмыс істеуі қызметін тастап кеткенмен бірдей. Бүкіл ел ауырып жатқанда, министрліктің қашықтан жұмыс істеуі дұрыс емес. Министрліктің әр қызметкері жұмыс орнына қайтып келсін, арнайы костюм мен маска тағып жүрсін. Денсаулық сақтау жүйесін басқару жұмысын қалпына келтіру керек. Коронавируспен күреске тәуелсіз сарапшылар, тәуелсіз санитарлық дәрігерлер мен эпидемиологтарды, жекеменшік ауруханаларды тарту керек.
Екіншіден, Халық денсаулығы мен денсаулық сақтау жүйесі туралы" кодекс жобасын денсаулық сақтау министрлігіне қайтарып, қоғамдық талқылау өткізу керек.
Үшіншіден, Айзат Молдағасымованы құтқаруды қойып, Халық банктен алған сыйақысын тексеретін тәртіптік істі қалпына келтіру керек.
Төртіншіден, жекешелендіріліп кеткен Алматыдағы балалар тіс емханасын мемлекетке қайтару керек", - дейді Қ.Көнеев.
MalimBlocks
