«Депутаттар, шығыңдар!». Ашынған әйелдер Парламент үйіне барды
Олардың шағымын журналистер ғана тыңдады
Парламенттің сессиясының ашылуы кезінде аймақтардан келген тұрғындар жанжал шығарды. Өздерін Светлана Асанова, Оксана Ротермель деп таныстырған олар «Депутаттар, шығыңдар! Қайда жүрсіздер? Соттардың бейберекеттігін тоқтатыңыздар. Біз қайда бармадық, кімнің есігін қақпадық, ешқандай нәтиже жоқ», - деп айғайға басты.
Амалы таусылған әйелдер жаңа депутаттардан Президентпен кездестіруді сұрады. Азаматтар соттардағы сыбайлас жемқорлыққа, жерді рейдерлік басып алуға, банк салымшылары құқықтарының бұзылуына шағымданды. Айтуынша, жәбірленушілер Жоғарғы сотқа, Прокуратураға қанша мәрте арыз жазса да мәселелері шешімін таппаған. Келушілерді тек журналистер тыңдады. Ішке кіруіне күзетшілер тосқауыл болды.
Күйінген тұрғындар «Олар бізден қашады. Біз соншалықты жаумыз ба? Ұрып-соғып астына түсіріп тастады» деп күзетшілерге шағымдарын білдірді.
Байланысты жаналықтар
MalimBlocks
