Әр түрлі мемлекеттер арасында әскерилердің сайысы өтіп жатқанын көргенде «Бомбаның орнын тегістеген, күректер музейге қойылсын» деген керемет өлең жолдары еске түседі. Бұл бейбітшіліктің символы ғой. Яғни, күректер музейде тұрады, ал, әскерилер бір біріне оқ атпайды, жай ғана бір бірімен шеберлік сынасады. Берілген тапсырманы жеріне жеткізе орындап шыққан команда жеңіске жетеді.
Осындай дәстүрлі сайыстардың бірі дәстүрлі «Эльбрус шеңбері» конкурсы екені белгілі. Қазіргі уақытта алғашқы екі арнайы тапсырма орындалған. Алда әлі талай тапсырма бар. Қазіргі кезеңде Қазақстанның әскери қызметшілері бірнеше ел қатысып жатқан конкурста екінші орында тұр. Ал, көш бастап тұрған команда - Ресейдің әскерилері. Бұл туралы Қазақстан Республикасы Қорғаныс министрлігінің баспасөз қызметі хабарлады.
«Жарысқа тоғыз елден келген командалар қатысады. Олар – Абхазия, Армения, Үндістан, Қазақстан, Қытай, Пәкістан, Ресей, Өзбекстан және Оңтүстік Осетия. Халықаралық конкурста ел намысын Қазақстан Қарулы Күштерінің атынан Таудағы даярлық орталығының әскери альпинистері қорғайды. Жарыс Кабардин-Балқардағы (РФ) «Терскол» таудағы полигонында өтуде», - делінген ведомство таратқан хабарламада.
Жалпы, бұл сайыс үш кезеңнен тұрады. Оның алғашқысында қатысушылар жасанды тау бедеріне шабуыл жасап, таулы жерде бағдарлауды пысықтайды. Бұл тапсырма артта қалды. Енді осы кезеңнің тағы үш тапсырмасы бар. Бірінші кезеңнің шеңберінде атқарылатын тапсырмалар бойынша Қазақстанның әлі де көш бастауға мүмкіндігі бар екенін ұмытпауға тиіспіз.
Негізінен үш кезеңнің ең күрделісі әрі қиыны, тіпті, айталық, шешуші кезеңі – екінші кезең деуге болады. Мұндағы ең бір қиын тапсырманың бірі әскери қызметшілер биік тау жағдайында марш жасауға тиіс. Ойлы қырлы жерде көркем жүріс жасап, оқтай түзу сап құрып жүріп өту оңай болмайтыны анық. Дегенмен, бұл жағынан да өз әскерилерімізге сенім артуға болады.
Жарыстың соңына қарай әр елден келген қатысушы әскери қызметшілер Эльбрус шыңын бағындырады. Әскери қызметшілер арасындағы конкурстың атауының өзі неге «Эльбрус шеңбері» екенін осы үшінші кезеңде түсінуге болады. Бұл былайша айтқанда символикалық кезең. Конкурстың атауына арқау болып отырған бұл шыңның биіктігі 5 642 метр екенін де айта кету керек. Демек, арнайы жасақтар бұл тапсырманы орындау үшін аз жаттығу жасамағаны, аз тер төкпегені анық. Енді сол төккен тер мен еткен еңбектің жемісін көретін уақыт та таяу. Қазақстандық әскери қызметшілерге сәттілік тілейміз
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
