Лондоннан жеткізілген алматылықтар Нұр-Сұлтанда тұрып қалды

Malim Админ

  • 23.03.2020

"Эйр Астананың" ұшағымен Лондоннан Нұр-Сұлтанға жеткізілген 43 адам карантинге жабылған Алматыға жете алмай, бас қалада тұрып қалған.  Олардың басым көпшілігі – Ұлыбританиядан елге қайтқан студенттер.

Бас қалада тұрып қалған алматылықтардың айтуынша, Ұлыбританиядағы Қазақстан елшілігі оларға Лондоннан бас қалаға жетіп, тексерістен өткен соң, Алматыға ұшып кетесіңдер деп уәде еткен. Алайда коронавирусқа тест тапсырып, нәтижесін бір күннен кейін қолына алған жолаушылар Алматыға жеткізеді деген ұшақ карантинге жабылған қалаға мүлде ұшпай қалғанын айтады.

Нұр-Сұлтанда тұрып қалған жолаушылардың бірі, "Болашақ" бағдарламасымен Ұлыбританияда оқып жүрген журналист Есенгүл КӘПҚЫЗЫ былай дейді: "Болашақ" бағдарламасы "Эйр Астананың" Нұр-Сұлтанға ұшатын рейсіне билет тауып берді. Бірден Алматыға ұшаққа билет алып беруді сұрап едім, 22 наурыз күні бәрі тоқтайды, тауып бере алмаймыз деді. Рейстегі 43 адам Алматыдан. Бірақ олардың арасында тікелей Алматыға дейін билет алған жолаушылар бар. 22 наурыз күні Лондоннан Нұр-Сұлтанға жеттік, бәрімізді бірден "Турист" қонақ үйіне әкеліп, коронавируске тест алды. Тест нәтижесі бүгін түске дейін дайын болды. Алдымен "бәріңізді автобуспен әкетеді, Алматыға ұшақ дайын тұр" деді. Кейін ұшаққа ұшуға тыйым салынды деді. Енді қонақ үйді сағат алтыға дейін босатыңдар, өздеріңіз жетіңіздер деді.  Коронавирусқа қатысты ашылған Нұр-Сұлтандағы штабпен де сөйлестік. Өз жолдарыңызбен барыңыздар деді".

"Ұлыбританиядан қайтқысы келетіндердің бәрін арнайы 21 наурыз күні ұшатын рейске жинап, елге қайтарды. Коронавируске тест алып, бәріміз аурудан құлан-таза болған соң, жолаушылардың бәрін таратып жіберді. Қазір қонақ үй лоббиінде отырмыз. Елшілік тексерістен кейін Алматыға ұшып кете аласыңдар деген. Алматыға жеткізуі тиіс "Эйр Астананың" ұшағына билет алдық. Бірақ "Эйр Астананың" айтуынша, ұшақтың Алматыға ұшуына үкімет рұқсат етпей отыр. Енді автобуспен Қарағандыға жеткіземіз, сол жерден пойызға отырып кетесіңдер деді. Онда жетіп алып, тағы Алматыға кіре алмай тұрғымыз келмейді. Тоқаев шетелден оралатын азаматтар өздері тұратын қалаларына жете алады деп уәде етіп еді. Бірақ бәрі бос сөз болып шықты", - деді аты-жөнін айтқысы келмеген жолаушылардың бірі.

Бұл мәселе бойынша "Эйр Астана" әуе компаниясының баспасөз қызметіне хабарласқанымызбен, тұтқаны ешкім көтермеді.

Бірақ "Эйр Астана" әуе компаниясы бүгін таратқан баспасөз хабарламасында төтенше жағдай мен Нұр-Сұлтан және Алматыдағы карантинге байланысты рейстердің 95 пайызы қысқарып қалғанын келтірген. "22 наурыздан бастап ішкі рейстердің барлығы тоқтатылды, ал 29 наурыздан бастап барлық халықаралық репатриациялық рейстер тоқтатылады. 22 наурыз бен 14 сәуір аралығындағы төтенше жағдай кезінде әуе компаниясы ішкі транзит жолаушыларын қалаларына дейін жеткізе алмайды", - делінген баспасөз хабарламасында.

Нұр-Сұлтанда тұрып қалған жолаушыларға Нұр-Сұлтан қаласы әкімі Алтай Көлгіновтің өзі хабарласып, Алматыға жете алмай қалған өзге жолаушылармен бірге арнайы ұшақпен жеткізілетінін айтқан. Сөйтіп,  бас қалада тұрып қалған жолаушылар кеше түнгі 23:30-дағы "Эйр Астана" ұшағымен Алматыға ұшып келген.

Материалды көшіріп басуға болмайды!

 

Байланысты жаналықтар

Ректор да билік пен жүйеге ашына бастапты

12.07.2020

Экс-министр Қасымовтың туыстары алдап кетті - Үй заңдастырудың әлегі

19.05.2022

Көлгінов Нұр-Сұлтанды безендіруге 311 миллион жұмсайды

07.12.2020

Цойдың цифры шатастырады

03.08.2020

Журналистер дым түсінбейді

23.04.2020

Вакцина мен дақпырт: Сіз қайсысына сенесіз?

20.12.2021
MalimBlocks
Ректор да билік пен жүйеге ашына бастапты

Экс-министр Қасымовтың туыстары алдап кетті - Үй заңдастырудың әлегі

Алматы қаласының тұрғыны Бибімәрия Қожанқызы бірнеше жылдан бері ағайынды Қасымовтарды сотқа беріп келеді. Себеп ағайынды шенеуніктер тұрғынның қаладағы жекеменшік үйін заңдастырып беруге уәде беріп, құжаттары мен қомақты сомада ақша алып, алдап кеткен. Malim.kz тілшісі мәселенің мәнін біліп, тұрғынмен тілдесті.

Көлгінов Нұр-Сұлтанды безендіруге 311 миллион жұмсайды

Цойдың цифры шатастырады

Журналистер дым түсінбейді

Вакцина мен дақпырт: Сіз қайсысына сенесіз?