Маңғыстауда жемқорлардың арқасында 4 мектеп салынады
Маңғыстау облысында жемқорлықпен айыпталған шенеуніктерден тәркіленген қаржыға биыл 4 мектеп салынатын болды.
Олар Ақтау қаласы мен Мұнайлы аудандарында бой көтермек. Ақтау қаласы бойынша, 18 және 19а аудандарында әрқайсысы 1200 орындық 2 мектеп салынады. Ал Мұнайлы ауданында Қызыл төбе ауылдық округіндегі «Қызылтөбе-2» тұрғын алабында және Бас құдық ауылдық округінде бой көтермек. Осы мектептер расымен де салынса, өңірдегі үш ауысымда оқыту мәселесі аздап болса да шешіледі.
