Нәтижесіз сот, қираған үй, өтемақысыз халық

Есдәулет Қызырбекұлы

  • 18.05.2021

Арыс халқы жарылыстан кейін берілген өтемақысын әлі күнге дейін ала алмай жүр.

Арыс қаласының халқы 2019 жылы әскери бөлімнің оқ-дәрі қоймасында болған жарылыстың зардабын әлі көріп жатыр. Халық жарылыс салдарынан қирған жеке үйлері мен бизнес нысандарын қалпына келтіруге берілетін өтемақыны 3 жылға жуық уақыт өтсе де, әлі күнге дейін ала алмай жүргендерін айтады.

Жарылыстан кейін үйі мен бизнес нысаны қирап қалған Ұбайдулла Сүлейменов сөзінше, өзіне тиесілі қаржыны ала алмай жүрген адамдардың саны қанша екені белгісіз. Ол жергілікті әкімдік тізімді көрсетпейді және әркезде әртүрлі  сан айтады.

«Әкімдік біресе 17, біресе 18, біресе 20 адам дейді. Мейлі 20 адам бола қойсын. Бірақ сол 20 адамның өзіне беріп болатын уақыт болды. Біз тізімде нақты қанша адам бар екенін білмейміз. Бизнес нысандар бойынша 48 адам әлі өтемақысын алған жоқ. Арыстан 10 шақырым жерде менің інім тұрады. Үйі бытшыт болған. Әлі берген жоқ ақшасын. Былтыр 2 миллион ақша жинап, екі бөлмелі үйін салып бердік... Бұлар менің қирған бизнес нысанымды бағалап, 21 миллион теңге беру керек болған. Бірақ 12 миллион береміз деді. Уақыт өтіп бара жатқан соң жарайды деп келістім. Үйім жарылып, қирап әлі тұр», - дейді Сүлейменов.

Ұбайдулла Сүлейменовтің айтуынша, жарылыстан кейін салынған жаңа үйлердің өзінің сапасы сын көтермейді.

«Арысты жарылыстан кейін 17 секторға бөліп тастаған. Басқасын айтпай ақ, мен өзімнің секторымнан үйлердің қалай салынанын сіздерге көрсете аламын. Үйдің бір жағын батпақ кірпіштен, енді бір жағын күйген кірпіштен салған. Сөйтіп үй сала ма? Арысқа келсеңіздер мен сіздерді ертіп апарып көрсетуге дайынмін... Сотқа бергенбіз, бірақ ол әзір бітпейді. Жеті ай тергеуі болды. 11 айдан асты сот әлі жүріп жатыр. Маусымның 11-і күні соттың басталғанына бір жыл болады. Оның да әлі нәтижесі жоқ.», - дейді ол.

2019 жылдың 24 маусымында Түркістан облысының Арыс қаласындағы әскер  бөлімнің оқ-дәрі қоймасында жарылыс болған. Салдарынан бір адам көз жұмып, 36 адам жарақат алған. Тұрғын үйлердің 85 пайызы қирап, 20-ға жуығы жанып кеткен. Жарылыстан кейінгі қалпына келтіру жұмыстарын премьер-министр Асқар Маминнің өзі барып көрген. 

 

Байланысты жаналықтар

Жедел жәрдем: Мамин екі сөйлеп отыр ма?

19.05.2020

А.Мамин: «Негізгі міндет­- азаматтарды жұмыспен қамту»

18.08.2020

Тоғжанов Түркістан облысының шекара маңындағы аудандарын аралады

16.03.2021

Патронсыз Қазақстан: 28 миллиардтық зауыт сатылатын болды

31.03.2021

Нұр-Сұлтан мен Алматыда жұмыссыз режим бір аптаға ұзартылды, Шымкентте карантин енгізілді

03.04.2020

Әкім елдің қаржысына салынған спорт кешенін сатып жіберді

22.10.2020
MalimBlocks
Жедел жәрдем: Мамин екі сөйлеп отыр ма?

А.Мамин: «Негізгі міндет­- азаматтарды жұмыспен қамту»

Тоғжанов Түркістан облысының шекара маңындағы аудандарын аралады

Патронсыз Қазақстан: 28 миллиардтық зауыт сатылатын болды

Нұр-Сұлтан мен Алматыда жұмыссыз режим бір аптаға ұзартылды, Шымкентте карантин енгізілді

Әкім елдің қаржысына салынған спорт кешенін сатып жіберді