Астанадағы «Назарбаев Университеті» IT департаменті қызметкері жеке кеңсесінің есігіне «Zа наших» (біздікілер үшін) деген жазуы бар плакат іліп қойған.
Жазуды көрген студенттер бірден университет әкімшілігіне шағымданған. Артынша әкімшілік плакатты алдырып тастап, әкімшілік қызметкердің өзімен түсіндірме жұмыстарын жүргізгенін жеткізді.
Еске сала кетейік, «Z» әрпі ресейлік жауынгерлердің әскери техникаларында көзге түскен соң оларды қолдаушылар осы әріпті көліктеріне немесе есіктеріне жабыстыратын болған.
