Осыдан екі апта бұрын Қызылорда қаласынан қырық бес шақырым жерге әскери полигон пайда болды. Алты мың гектар аумақта әскерилер оқу-жаттығуларын бастап та кетті. Алайда, малшылар күндіз-түні оқтың дауысынан мазамыз кетті дейді. Ең сорақысы жаттығу полигонының жан-жағында тіпті қоршау да жоқ.
Көп жылдардан бері малшылар қоныстанған жапан даланың мүлгіген тыныштығын сарбаздардың мылтығының тарсылы бұзған екен. Айналасы ашық-шашық жаттығу алаңына МӘЛІМ КЗ тілшісі де оп-оңай кіріп барды.
«Міне атыс болып жатыр гүрс-гүрс. Азанда тұрамын. Түнде де атыс. Түнде де малдар жайыла береді ғой. Інілерімді жіберуге қорқып қалдым қазір мал іздеуге. Жаттығу кезінде атылған оқ жазатайым төрт түлік түгілі, өзімізді жазым ете ме деп үрейленеміз», - дейді Қанат ҚОНАҚБАЕВ есімді жеке шаруа қожалығының иесі.
«Күнде осында қарудан атып жатады. Малымыздың қайда кетіп жатқанын білмей қалдық. Мал жайылып жүре береді. Ертең тура оқтың астында қалып қалса күніміз не болмақ?», - дейді тағы бір шаруа қожалығының иесі Бақыт НЫСАНОВ.
Малшылар қаншама бос жатқан жазық даладан жер таппағандай полигонды қожалықтардың дәл қасына орналастырғанына наразы. Айтуларынша қазір сарбаздар жаттығып жатқан жер нақ малдың жайылатын орыны екен. Оның үстіне шөбі шүйгін аумақты әскерилер қазып тастаған екен. Ал өзін командир деп таныстырған азамат бұл жерді облыс әкімдігінің рұқсатымен алынғанын айтады. Айналамыз қоршалмағанымен қауіпсіздікті басты назарға алып отырмыз деп қысқа қайырды. Офицер аты-жөнін айтпады.
Малшылар көктемде бұл жерге тек біздің емес, көрші ауылдардың да малы жайылады дейді. Соған қарағанда полигондағы сарбаздар көк шыға бастағанда жаттығумен емес, мал айдаумен айналысатын сияқты. Ал осы жерді әскери бөлімге берген облыстық жер қатынастары басқармасы сұхбат беруден бас тартты.
Фотолар автордікі.
МАТЕРИАЛДЫ КӨШІРІП БАСУҒА БОЛМАЙДЫ.
Байланысты жаналықтар
MalimBlocks
Бізді үлкен өзгерістер күтіп тұрғанына сенімдімін
Соңғы екі жыл бедерінде елімізде ауқымды саяси реформалар жүзеге асты. Ал оның аймақтарға әсері қалай? Ел қалай қабылдады? Түркістан өңірінде қандай өзгерістер болды? Осы төңіректегі сауалдарды Түркістан облыстық «Гарабах» әзірбайжан этномәдени бірлестігінің жетекшісі Рамилия Мустафаеваға қойған едік.
Орталық Азияның креативті индустрия халықаралық форумында не айтылды?
Алматыда «Сreative Central Asia 2023» халықаралық форум өтті. Қырғызстан, Өзбекстан, Тәжікстан, Оңтүстік Корея, ТМД елдерінен, АҚШ және Англиядан 100-ден астам сарапшы қатысқан бұл форумда кино, музыка, медиа және цифрлық мәдениеттер, білім беру, сән және заманауи өнер салаларындағы бірегей платформа ұсынылды.