Текеліден турист үзілмеуі тиіс

Malim Админ

  • 02.12.2020

Текелі қаласы әкімінің қолы турист күтуден босамауы керек.

Алматы облысының әкімі Амандық Баталов Текелі қаласы әкімінің есебі мен жоспарларын тыңдағанда Текелі әкімі Батыр Молдахметовке осындай міндет қойды. Расымен де, өңірде Текелі қаласын қысы-жазы  турист үзілмейтін танымал аймаққа айналдыруға жағдай бар.

Мәселен, Текелі қаласы әкімінің айтуынша, абаттандыру қаланың кіреберісінен басталмақ. Сосын,  «Горняцкий» шағын ауданының жер учаскесі көркейтілмек. Онда жаяу жүргіншілерге арналған жол, вело және мото туризмге арналған мың бұраулы жолдар салу, қысқы спорт түрлерін, парапланеризмді, құзға шығуды ұйымдастыру мен гидтер мектебін ашу жоспарланған. Сонымен қатар Қора өзеніндегі бастау да абаттандырылмақ.  Ол жерде Қора шатқалынан Бұрхан Бұлаққа дейінгі туристік бағытты танымал ете отырып, Будда тасы мен ежелгі петроглифтерді көретін туристік бағыт қалыптастыру және түрлі шағын архитектуралық формалар қою да осы жоспардың ішіне кірген екен.

Ал жалпы қаланың қауіпсіздігі үшін қосымша 50 бейнебақылау камерасы орнату қажет екен. Сол сияқты «Ақылды қала» жобасы бойынша жаңа технологиялар енгізу де алдағы жылдардың үлесінде.

Шешімін күткен мәселелердің қатарында шахталық суды сүзгіден өткізуге арналған тазарту құрылғысын сатып алу қажеттігі айтылды. Сондай-ақ 2021 жылы екі 40 пәтерлі тұрғын үй салу көзделген. Қаржы қарастырылса баспанаға мұқтаж жандарды тұрғын үймен қамту ісін жылдамдату үшін құны 87,2 млн. теңгеге 40 пәтерлік тағы 5 үйдің құрылысына қажетті құжаттамалар дайындау, Жастарға қызмет көрсету орталығын салу қолға алынады. Сонымен бірге ауыз су, жол, газдандыру, әлеуметтік нысандарды жөндеу мәселелері де назарда. Қала әкімінің хабарламасынан кейін Амандық Баталов Текелі қаласының табиғи ерекшелігін ескере отырып, даму бағытын соған сәйкес жүргізу қажеттігін айтты.

- Туризм бойынша белгілеген жоспарларың жақсы, қолдаймын. Инвестициялық жобалар тартумен де түбегейлі айналыс. Мысалы, Текеліде балық шаруашылығын дамытуға мүмкіндік бар. Қаланы газдандыру да алдағы жылдың басым бағыты болуы тиіс. 1,3 млрд. теңге бөліп, қалаға магистралды газ құбырын тарттық, енді соның игілігін халық көруі керек, - деді А. Баталов.

 

Байланысты жаналықтар

Абай облысы: мектептер апаттық жағдайда тұр

27.02.2024

Касымбек дождется ухода мусорной компании Алии Назарбаевой

26.02.2024

Касымбеку некогда ездить в автобусе

26.02.2024

Назарбаев режимінде қудалауға ұшырағандар қашан ақталады?

26.02.2024

Қысым көрсетіп, алдап ереуілге шақырған

24.02.2024

Балабақшадағы «боэвик». Таяқ жеген баланың миы шайқалған

23.02.2024
MalimBlocks
Абай облысы: мектептер апаттық жағдайда тұр

Өркениет көшінен тыс қалғаны өз алдына, іші-сыртының сыны кеткен

Касымбек дождется ухода мусорной компании Алии Назарбаевой

Акимат Астаны готовится объявить конкурс подрядчиков на вывоз мусора в пяти районах города.

Касымбеку некогда ездить в автобусе

Жители района Сарыарка завалили акима Астаны Жениса Касымбека жалобами на качество услуг общественного транспорта. Люди недовольны неудобными маршрутами и нехваткой автобусов.

Назарбаев режимінде қудалауға ұшырағандар қашан ақталады?

Ербол Назарбаевтың тікелей қатысуымен болған бірнеше іс бар.

Қысым көрсетіп, алдап ереуілге шақырған

Заңсыз ереуілге қатысудан бас тартып, өздерінің еңбек міндеттеріне кірісті

Балабақшадағы «боэвик». Таяқ жеген баланың миы шайқалған

Бөлмеде қатарласын жерге құлатып, басынан тепкілеген