Бүгін үкіметтің кеңейтілген отырысында президент Қасым-Жомарт Тоқаев ауыл шаруашылығы министрі Сапархан Омаров отставкаға кетуі керек деп мәлімдеді.
"Биыл жем-шөппен қамту қаншалықты маңызды екенін бәріміз түсіндік. Қолайсыз ауа райы мен тиімсіз болжау салдарынан Маңғыстау мен Қызылордадағы ахуал қиын болып тұр. Маңғыстау облысында қырылған мал саны 3 мыңға жетті.
Министрлік пен әкімдіктер тиісті шаралар қабылдамады. Нақты және бірізді жұмыс жүргізілмеді. Солардың кінәсінен ауыр шаруашылығы шарасыз күйге түсті. Кері байланыстың жоқтығынан фермерлер тікелей менен көмек сұрай бастауға мәжбүр болды. Әрине, қуаңшылық – табиғи құбылыс, оны жақсы түсінемін. Мұндай қиын жағдайда жауапты министрлік тез арада жедел және шешімді түрде әрекет етуі керек еді. Бірақ министрлік бұл шаруаны атқара алмады. Сондықтан осы салаға жауапты адам – министр Сапархан Омаров отставкаға кетуі керек", - деді Тоқаев үкіметтің кеңейтілген отырысында.
Маңғыстау және Қызылорда облыстарында қуаңшылыққа байланысты май жаппай қырылып жатыр. Ауыл шаруашылығы өткен аптада малдың қырылуы тоқтады, жем-шөп сатып алынып жатыр деп мәлімдеген. Алайда әлеуметтік желіде жергілікті халық мал әлі де қырылып жатқанын, жем-шөп жоқ болғандықтан, малды жаппай сатып жатқанын жазып жатыр.
Оқи отырыңыз: Тоқаев ауыл шаруашылығы министрін қызметінен кетірді
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
