Төтенше жағдайлар жөніндегі вице-министр өз еркімен жұмыстан кетуде
Жұртшылық Марат Күлдіковті «Семей орманы» өртенген кезде баяндама оқып Президенттің қатаң сынына ұшыраған шенеунік ретінде таниды.
Вице-министр Марат Күлдіков өз еркімен қызметінен кетуге арыз жазған. Қазіргі уақытта оны жұмыстан босатуды келісу рәсімі жүргізілуде,- деп хабарлады Төтенше жағдайлар министрлігінің баспасөз қызметі.
Марат Күлдіков 2020 жылдың қазан айында Төтенше жағдайлар жөніндегі вице-министр қызметіне тағайындалған. Оған дейін Жамбыл және Батыс Қазақстан облыстары төтенше жағдайлар департаментінің бастығы, төтенше жағдайлар комитеті төрағасының бірінші орынбасары қызметтерін атқарған.
Абай облысындағы орман өрті кезінде Тоқаев Күлдіковтың жедел штаб отырысында «Мен қызметінен босатқан министр мен бүкіл басшылық неліктен өзінің тікелей қызметтік міндеттерін орындауға немқұрайлылық танытып отыр» деген сұрақпен Күлдіковтың баяндамасын «құр сөз, маңызы жоқ» деп тоқтатып тастаған. Вице-министр содан кейін қоғамдық ортада көрінбей кеткен.
