Түркістан облысы тауларында жоғалған жетінші адамның мәйіті табылды

Malim Админ

  • 22.06.2021

Түркістан облысы тауларында жоғалған жетінші адамның мәйіті табылды. Бұл туралы төтенше жағдайлар жөніндегі министрлік хабарлады.

"Түркістан облысы  Төлеби ауданына қарасты «Сайрам-Өгем» шатқалында тағы бір адамның мәйіті табылды. 22 маусым сағат 11.50-де Шымкент қаласы төтенше жағдайлар департаменті жедел-құтқару жасағының құтқарушылары мәйітті Айғыржыққан және Өгем өзендерінің тоғысқан жерінен екі шақырым жоғарыда су түбінен тапқан", - деді төтенше жағдайлар жөніндегі министрліктің ресми өкілі Талғат Уәли.

Мүрдені тасымалдау үшін «Қазавиақұтқару» АҚ тікұшағы оқиға орнына бара жатыр. Табылған мәйіт сараптама жасалу үшін полиция қызметкерлеріне табысталады.

27 мамыр күні Түркістан облысы тауларында жеті туристің жоғалып кеткені туралы ақпарат тарады. Жеті студент 21 мамыр күні Түлкібас ауданындағы "Сайрам Өгем" шатқалына жаяу табиғатқа шығып, жоғалып кеткен. Олардың арасында Ақтөбе, Атырау, Орал және Жезқазғаннан келгендер болған.

 Туристер 24 мамыр күні оралуы тиіс еді. Құтқарушылар туристерді 25 мамырдан бастап іздеді. Іздестіру жұмыстарына жоғалып кеткен туристердің туыстары мен Өзбекстан төтенше жағдайлар министрлігі қатысты.

28 мамыр күні жоғалып кеткен туристердің үшеуі тірі табылып құтқарылды. Ал 19 мамыр күні екі туристің мәйіті табылды.

1 маусым күні туристердің бірінің сөмкесі Өгем өзенінен табылды. 8 маусым күні Айғыржыққан және Өгем өзендерінің маңынан туристің тағы басқа заттары табылды.

12 маусым күні тағы бір туристің мәйіті табылған болатын.

Оқиғаға байланысты Түркістан облыстық полиция департаменті қылмыстық іс қозғаған. 

 

Байланысты жаналықтар

СЭС басқармасы өмірде жоқ күзет қызметіне миллиондар жұмсаған

23.04.2021

Қазақстан заңсыз мигранттарға қарсы 14 елмен бірлесе күреседі

01.03.2020

Мамин балықты көп жеу керектігін айтты

18.08.2020

Цой күзге жаңа болжам ұсынды

24.08.2021

Ассамблея: Қиын кезде ұлттық тұтастық керек

18.05.2020

Маскүнемдік дерті

28.07.2021
MalimBlocks
СЭС басқармасы өмірде жоқ күзет қызметіне миллиондар жұмсаған

Қазақстан заңсыз мигранттарға қарсы 14 елмен бірлесе күреседі

Мамин балықты көп жеу керектігін айтты

Цой күзге жаңа болжам ұсынды

Ассамблея: Қиын кезде ұлттық тұтастық керек

Маскүнемдік дерті