Елорда мұғалімдері вакцина салдыруда белсенді болып тұр. Негізі, бас қалада ақпан айында медицина қызметкерлері вакцина салдырып алған еді. Бірінші наурыздан бастап кезек мұғалімдерге тиген. Ұстаздар медицина қызметкерлерінен қалысар емес. Әр мектеп әр ауруханада вакцина салдырып жатыр. Мәселен, күні кеше елордадағы №78 мектеп-гимназиясының мұғалімдері «Салауатты Астана» емханасында ерікті түрде вакцина салдырды.
«Бұл вакцинаны қазір саламыз және 21 күннен соң екінші мәрте қайталаймыз. Ең алдымен салудың алдында қабылдаушыдан сауалнама алып, медициналық қараудан өткіземіз. Сондай-ақ асқыну мен қарсы көрсеткіштерді түсіндіріп өтеміз», – деді «Салауатты Астана» емханасының дәрігері Майкамал Еселбаева.
Дәрігердің айтуынша, күніне ерікті түрде 30 шақты мұғалім вакцина салдырып жатыр. Әзірге вакцина кері есер еткен жағдай болмаған.
«Вакцина салдырған соң ешқандай өзгешелік байқағам жоқ. Қандай күтім керек екенін дәрігер түсіндірді. Көпшіліктің ортасында жүрген соң өзімнің, оқушыларымның, туған-туыстардың денсаулығын ойлап, өз еркімен вакцина салдырдым. Індеттен құтылатын амал бар болса, оны неге пайданаланбасқа?» – дейді №78 мектеп мұғалімі Гүлиза Сәрсембаева.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
