Жоғары оқу орындары заңды жекешелендірілді ме?
Үкімет басшысы жоғары білім саласындағы бұрын жеке меншікке өткен кейбір активтерді мемлекет меншігіне қайтару мәселесін талқылады.
Премьер-министр Әлихан Смайылов орталық мемлекеттік органдар, Бас прокуратура, БҚДА, ҚМА және басқа да ведомстволар басшыларының қатысуымен Экономиканы демонополизациялау жөніндегі комиссияның кезекті отырысын өткізді. Жиналғандар жоғары білім саласындағы бұрын жеке меншікке өткен кейбір активтерді мемлекет меншігіне қайтару мәселесін талқылады.
Премьер-Министр уәкілетті мемлекеттік органдарға тиісті құжаттар мен шарттарды тексеріп, олардың жасалуының заңдылығына құқықтық баға беруді тапсырды,- деп хабарлады үкіметтің баспасөз қызметі.
Басталған тексерудің студенттерге де, жоғары оқу орындарының қызметкерлеріне де қатысы жоқ. Сондықтан тексерілетін мекемелердегі оқу процесіне еш кедергісі болмайды.
Malim.kz сайтында осыған дейін мәжіліс депутаты Ерлан Саиров ел аузында Н.Назарбаевтың қайын атасы аталып кеткен Тілектес Есполовтың Қазақ ұлттық аграрлық зерттеу университетіне қатысты былықтарын тексеруге Бас прокурор Б.Асыловтың атына депутаттық сауал жолдап мәселе көтерген болатын. https://malim.kz/article/opinion/espolov-oqu-ornyn-zyn-oinaqqa-ainaldyryp-tastagan-deputat-saualy-19570
