Бүгін ат спортынан елорда төрінде дәстүрлі қалалық жарыс басталды, деп хабарлайды Malim.kz.
Астана күніне орай Олимпиада бағдарламасына кіретін конкур бәсекесінен бүгін турнир жеңімпаздары анықталады.
Аталған додаға Алматы, Астана, Шымкент қалаларымен қатар Алматы, Қарағанды, Ақмола облыстарынан келген 80-ге тарта шабандоз сынға түседі.
Осы жылғы доданың басты ерекшелігі ұлттық құрамаға кіретін спортшылар да жалпы жүлде қоры 12 млн теңгені құрайтын сыйақыға таласады.
Ұйымдастырушылардың айтуынша, шабандоздар алдағы уақытта Алматы қаласында өтетін Қазақстан чемпионаты мен Ташкент пен Бішкектегі Әлем кубогының кезеңдерінде өнер көрсетеді.
Фото: қала әкімдігі
