Азия ойындары. Қазақстан әйелдер құрамасы алтын медаль алды
Біздің спортшылар Азия ойындарының рекордын орнатты
Ханчжоуда өтіп жатқан Азия ойындарында стендтік атудан Қазақстан әйелдер құрамасы алтын медаль алды. Бұл жеңіс туралы Olympic.kz хабарлады.
«Скиттегі» топтық сайыста Зоя Кравченко, Әсем Орынбай және Ольга Панарина жеңіске жетті. Біздің спортшылар сондай-ақ Азия ойындарының рекордын орнатты.
Айта кетейік, қазіргі кезде Қазақстан қоржынында 10 медаль бар: 1 алтын, 2 күміс, 7 қола.
23 қыркүйекте басталған бәсекеде спорттың 30 түрінен 524 отандасымыз (262 ер, 262 әйел) бақ сынап жатыр. Жазғы ойындар 8 қазанда аяқталады.
