Cәкен Бибосынов бокстан ұлттық құрама сапынан шықты
Бас бапкері Қайрат Сәтжанов мұның себебін түсіндірді
Бокстан Олимпиада ойындарының қола жүлдегері әрі әлем чемпионы Сәкен Бибосынов ұлттық құрама сапынан шықты, -деп хабарлады Malim.kz.
Бокстан Қазақстан құрамасының бас бапкері Қайрат Сәтжанов мұның себебін түсіндірді.
Сәкен Азия чемпионатының алдында арқасынан жарақат алды. Сондықтан ол алда болатын оқу-жаттығу жиындарына қатыспайды, деді бас бапкер.
Бокстан ұлттық құрама Испанияға оқу-жаттығу жиынына аттанғалы жатыр. Кейін боксшыларымыз Болгарияда өтетін дәстүрлі Странджа кубогіне қатысады. Келген соң Ресейде оқу-жаттығу жиынынан өтіп, бапкерлер құрамы бірінші және екінші нөмірлі боксшыларды анықтайды.
Еске салайық, Сәкен былтырғы Париж Олимпиадасында да, Таиландта өткен Азия чемпионатында да ширек финалда жеңілді.
Фото: ҰОК
