Ең бай қазақ «Формула-1» компаниясын сатып алды
Байлығы 4,6 миллиард долларға бағаланатын ең бай қазақстандық Владимир Ким Hitech GP жарыс командасына иелік ететін Hitech Global Holding Limited компаниясының 25 пайыз акциясын сатып алды,- деп хабарлайды компания сайты.
25 пайыз акцияның сомасы айтылмады. 2002 жылы құрылған Hitech GP «Формула-2» және «Формула-3» чемпионаттарында жарысады. Жақында команда «Формула-1» жарыстарына қатысуға лицензия алып, 2026 жылғы маусымға қатысады.
Өткен жылға дейін Hitech GP компаниясы ресейлік «Уралкалидің» иесі Дмитрий Мазепинді болған. Украинадағы соғысқа байланысты санкциядан кейін Мазепин Hitech Global Holding Limited акцияларының бақылау пакетін команда басшысы Оливер Окске берген болатын.
Владимир Ким Forbes нұсқасы бойынша Қазақстанның ең бай адамдары тізімінде бірінші орында тұр. Оның байлығы 4,6 млрд долларға бағаланады, ал негізгі активтері KAZ Minerals (63,5% үлес), Kazakhmys Copper (Қазақмыс Корпорациясының бас құрылымы, Кимнің 70% үлесіне иелік етеді) және Bank RBK (89,7%).
Байланысты жаналықтар
MalimBlocks
Тоқаев «Қазақмыстан» Ұлытау облысын көркейтуге көмек сұрады
Президент Қасым-Жомарт Тоқаев Ұлытау облысының даму жоспарымен танысты. Кездесуге «Қазақмыс» басшысы Эдуард Огай қатысып, Жезқазған мен Сәтпаевты көркейтуге осы жылы 25,4 миллиард теңге бөлетінін айтты. Өз кезегінде президент одан көп ақша бөлуді сұрады.
