Испания құрамасы Еуропа чемпионатының финалына шықты
Испания бесінші рет финалда өнер көрсетеді.
![](/images/article-img/1600/23137-1720584847-m.jpeg)
Испания құрамасы футболдан 2024 жылғы Еуропа чемпионатының алғашқы финалисі атанды, деп хабарлайды Malim.kz.
Жартылай финалдық матч Мюнхендегі «Алянц-Аренада» өтті. Матчта есепті бірінші болып 8-минутта француз Рандаль Коло Муани ашқан. Алайда 21-минутта турнирдің ең жас ойыншысы испаниялық Ламин Ямаль таразы басын теңестірді. Матчтың 25-минутында Дани Ольмо «қызыл фурияны» алға шығарды. Осылайша, испандар 66 мың көрерменнің алдында Францияны 2:1 есебімен жеңді.
Испанияның финалдағы қарсыласы бүгін Нидерланд пен Англия құрамалары арасында анықталады.
Айта кетейік, Испания осымен тарихта бесінші рет Еуропа чемпионатының финалына шықты. Кездесудің үздік ойыншысы атағы Ямальға бұйырды.
Фото: t.me/sportilinet