Қазақстандық боксшылар Париж олимпиадасының бес жолдамасын жеңіп алды

Әйелдер құрамасы лицензия ала алмады.

Malim Админ

  • 12.03.2024

Италияның Бусто-Арсицио қаласында бокстан Париж Олимпиадасының лицензиясы үлестірілетін әлемдік турнир өз мәресіне жетті. Бұл жарысқа Қазақстан құрамасының ерлер және әйелдер арасындағы 11 боксшысы (6 ер, 5 әйел) қатысып, ұлттық құрама қоржынына Париж Олимпиадасының бес жолдамасын салды. Бұл туралы Туризм жəне спорт министрлігінің баспасөз қызметі хабарлады.

Министрлік мәліметінше, Париждегі Олимпия ойындарына жолдаманы ерлер бәсекесінде Токио Олимпиадасының қола жүлдегері, әлем чемпионы Сәкен Бибосынов (51 кг), әлем чемпионы Сабырхан Махмұд (57 кг), әлем және Азия чемпионы, Азия ойындарының жүлдегері, ұлттық құрама капитаны Асланбек Шымбергенов (71 кг), әлем чемпионы Нұрбек Оралбай (80 кг) және 2018 жылы Аргентинаның Буэнос-Айрес қаласында ұйымдастырылған жасөспірімдер Олимпиадасының жеңімпазы Айбек Оралбай (92 кг) жеңіп алды.

«Бокстан Италиядағы Олимпиадаға іріктеу турнирінде сәтті өнер көрсетіп, Париждегі дүбірлі додаға жолдама жеңіп алған былғары қолғап шеберлерін құттықтаймын. Ел жанкүйерлері қашан да боксшылардан үздік нәтиже күтеді. Сіздер бұл жолы жанкүйерлердің сенімін ақтап, ұлттық құрама қоржынын маңызды лицензиялармен толықтырдыңыздар. Енді Олимпиадаға дайындықты күшейтіп, Париж төрінде топ жаруларыңызға тілектеспін», - деді Туризм жəне спорт министрі Ермек Маржықпаев.

Бұған дейін бокстан Қазақстан еншісінде екі жолдама болды. Ханчжоудағы жазғы Азия ойындарында аса ауыр салмақтағы Қамшыбек Қоңқабаев күміс жүлдеге ие болып, Париж Олимпиадасының жолдамасын алған болатын.

Ал әйелдер құрамасы лицензия ала алмады.

Айта кетейік, ерлер арасында 28, әйелдер арасында 21 Олимпиаданың жолдамасы үлестірілді. 

 

Фото: Туризм жəне спорт министрлігі

Байланысты жаналықтар

Әлем чемпионы атанған боксшы қыздарға қанша доллар сыйақы берілді?

03.05.2025

Жәнібек Әлімханұлы чемпиондық атағынан айырылуы мүмкін

01.05.2025

250 мың доллар: Олимпиада жүлдегерлеріне мемлекеттік сыйақы аударылды

25.04.2025

Олимпиадада жүлде алған спортшыларға сыйақы ақыры берілетін болды

23.04.2025

Ресейдегі турнирде Сәкен Бибосынов чемпион атанды

19.04.2025

Геннадий Головкинге ерекше атақ берілді

18.04.2025
MalimBlocks
Әлем чемпионы атанған боксшы қыздарға қанша доллар сыйақы берілді?

Күміс пен қола жүлде алған боксшылар да ақшалай сыйақымен марапатталды

Жәнібек Әлімханұлы чемпиондық атағынан айырылуы мүмкін

250 мың доллар: Олимпиада жүлдегерлеріне мемлекеттік сыйақы аударылды

Олимпиадада жүлде алған спортшыларға сыйақы ақыры берілетін болды

Ресейдегі турнирде Сәкен Бибосынов чемпион атанды

Боксшы финалда ресейлік Денис Палшинмен қолғап түйістірді

Геннадий Головкинге ерекше атақ берілді

Головкин: Миссиямды табандылықпен жалғастыра беремін