Ресми: Станислав Черчесов - Қазақстан құрамасының бас бапкері
Ол тағы бір ресейлік маман Магомед Адиевтің орнын басты.
60 жастағы Черчесов бұл қызметте жылына 50 млн теңге алады, деп хабарлайды Malim.kz.
2016-2021 жылдар аралығында Черчесов Ресей құрамасында бас бапкер болды.
2021 жылы ол Ресей құрамасынан кетіп, Венгрияның "Ференцварош" клубында бас бапкер қызметін атқарды.
Сонымен қатар Черчесовтің карьерасында Польшаның "Легия", Ресейдің "Динамо", "Амкар", "Терек", "Жемчужина" және "Спартак", Австрияның "Ваккер-Тироль" клубтары болған.
Черчесовтің басқаруымен Қазақстан ұлттық құрамасы 7 маусымда Армениямен, 11 маусымда Әзербайжанмен жолдастық кездесу өткізеді.
Алдын ала болжам бойынша, ресейлік маманға жылына 1,2 млн еуро жалақы төленбек.
Фото: sport-express.ru
