Садриддин Ахметов алғаш рет жеңіске жете алмады
Қазақстандық кәсіпқой боксшы Садриддин Ахметов Коммерс қаласында (АҚШ, Калифорния) мексикалық Элиас Эспадаспен 10 раундтық жекпе-жегін өткізді, деп хабарлайды Malim.kz.
Бұл кездесу тең аяқталды. Үш төреші бір ауыздан – 95:95 есебімен тең шешім шығарды.
Бұл нәтиже Садриддин үшін кәсіби мансабындағы алғашқы тең ойын болып отыр. Бұған дейін ол 15 жекпе-жектің барлығында жеңіске жетіп, 13-ін нокаутпен аяқтаған еді.
Жекпе-жектен кейін Садриддин Ахметов бәрі де алда екендігін айтып, қазақстандық жанкүйерлерге алғысын білдірді.
Бұл — бокс. Қарсыласым мықты болды. Мен бесінші не алтыншы раундта қолымды сындырып алдым. Соған қарамастан, бұл жақсы жекпе-жек болды. Реванш өткіземіз деп ойлаймын. Барша Қазақстан халқынан кешірім сұраймын. Бұл жай ғана спорт. Біз міндетті түрде қайта оралып, келесі жекпе-жекте жеңіске жетеміз, - деді ол.
Фото: instagram/sadriddin_____soq
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
