Астанада көкпар мен бәйге жарыстары өтті
Фестиваль Республика күні және Мәслихаттардың 30 жылдығына орай ұйымдастырылған
Астанадағы «Қазанат» ипподромында Республика күні және Мәслихаттардың құрылғанына 30 жыл толуына орай ұлттық ат спорты фестивалі өтті, деп хабарлайды Malim.kz.
Бұл туралы Астана қаласы мәслихатының төрағасы ЕРлан Каналимов әлеуметтік желіде жазды.
Оның жазуынша, солтүстік өңір командалары арасында өткен көкпар сайысы ең әсерлі болған.
Бір қызығы, бұл түрдегі жарыстар 4 жылдан астам уақыт бойы мұндай форматта өткізілмеген. Турнир қорытындысы бойынша көкпар сайысы бойынша Қостанай облысының командасы жеңіске жетіп, финалда Астана қаласының құрамасын жеңді. Үшінші орынды Қарағанды облысының көкпаршылары иеленді. Турнирдің жалпы жүлде қоры 12 млн. теңгені құрады, деп жазды ол.
Ал 9 шақырымдық «Құнан» бәйгеде Қостанай облысының өкілі Темірлан Застежко, 9 шақырымдық «Жорға» жарысында Абай облысының шабандозы Қымбат Семей, 15 шақырымдық «Топ» бәйгеде Алматы облысының өкілі Сенбек Мұқағали, 25 шақырымдық «Аламан» бәйгеде елордалық Дулат Нұрмұхамбет жеңіске жетіп, бас жүлдені қанжығасына байлаған.
Фото: facebook/Ерлан Каналимов
Байланысты жаналықтар
MalimBlocks
