«Қазір жергілікті атқарушы билік органдары жаңа құрылған облыстардағы әкімшілік ғимараттарды қамтамасыз ету үшін қанша қаражат керек екенін есептеп шықты. Алдын ала болжам бойынша 12 миллиард теңге қажет болуы мүмкін», - деді Қуантыров.
Ол қай облысқа қанша ақша бөлінетіні туралы айтпады. Тек қаражаттың Қазақстан заңнамасына сай жұмсалатынын қоса кетті.
Айта кетейік, алдыңғы аптада президент Қасым-Жомарт Тоқаевтың жарлығымен жаңа құрылған облыстарға әкімдер тағайындалды. Алматы облысына, Марат Сұлтанғазиев, Жетісу облысына Бейбіт Исабаев, Ұлытау облысына Берік Әбдіғалиұлы, Абай облысына Нұрлан Ұранхаев әкім болды. Қарағанды, Шығыс Қазақстан облысы әкімдері өз орнында қалды. Алматы облысының әкімі Қанат Бозымбаев қызметінен кетті.
