Алматыдағы Әл-Фараби даңғылында үш адамның қазасына себеп болған резонансты жол апатына байланысты полиция қызметкеріне қатысты сотқа дейінгі тергеу аяқталды, деп хабарлайды Malim.kz.
Тергеу мәліметінше, оның қызметтік әрекетсіздігі қайғылы салдарға алып келуі мүмкін болған. Қазіргі уақытта қылмыстық іс материалдары танысу үшін процеске қатысушы тараптарға жолданған.
Қайғылы жол апаты 21 наурызға қараған түні болған. Алдын ала мәлімет бойынша, Zeekr көлігінің жүргізушісі жарыс ұйымдастырмақ болып, қарсы жолаққа шығып кетіп, Mercedes-пен бетпе-бет соқтығысқан. Соның салдарынан Mercedes жүргізушісі мен 20 және 22 жастағы екі жолаушы қыз оқиға орнында қаза тапқан.
Еске салайық, осы іс бойынша алдын ала сот отырысы 28 мамырға белгіленген.
