Әкімдік «ескі» деген үйден тұрғындар көшкісі келмейді

Алматы қаласындағы Бұқар жырау – Манас – Ғабдуллин – Әуезов көшелерінде орналасқан үй тұрғындары жиналып, реновациялау жобасына қарсылықтарын білдірді.

  • 29.04.2021

Алматы қаласындағы Бұқар жырау – Манас – Ғабдуллин – Әуезов көшелерінде орналасқан үй тұрғындары жиналып, реновациялау жобасына қарсылықтарын білдірді. Жиынға қалалық мәслихат мүшелері мен кәсіпкерлер палатасының өкілі де келді.

Наразы тарап үйлерді қиратып, көпқабатты үй салуға қарсы. Мұны олар аймақтың сейсмикалық қауіпті болуымен түсіндірді.

«Сіздер Президенттің сөзін де құлаққа ілмей тұрсыздар. Мұндай жерлерде екіқабатты үйден биік ғимарат салуға тыйым салынған. Ал ғимаратты жаңартуға жауаптылар ұсынған жобаға сәйкес, бұл жерде 12 қабатты үйлер салынбақ екен. Біз қарсымыз. Бұл аймақта көпқабатты үй құрылысына тыйым салынған. Сол себепті бүгінге дейін 4 қабаттан биік үй салынбаған» - деді Элеонора Хасанова.

Элеонора ХасановаЭлеонора Хасанова - Malim

Қалалық әлеуметтік кәсіпкерлер палатасының атқарушы директоры Қанат Қайратұлы тұрғындарды әзірге ешқандай құрылыс жобасы жоқ екенін айтты. Оның сөзінше, тұрғындармен өзара келіскеннен кейін ғана құрылыс басталады.

ҚайратұлыҚанат Қайратұлы - қалалық әлеуметтік кәсіпкерлер палатасының атқарушы директоры

«Жеке инвесторлар тарапынан осы аймақтағы ескі үйлерді құлатып, қайта салуға қызығушылық танытылды. Инвестор – елдің батыс өңірінде жақсы танылған K7 Group компаниясы. Әзірге БАҚ-та жарияланған құрылыс жобасы - жоспарлы концепция. Енді соны тұрғындармен келісіп, талқылап, жүзеге асыру жоспарда бар. Үйлер өте ескі. Бірақ біз тек бір-екі үй емес, түгел ауданды реновациялаймыз» - деді Қанат Қайратұлы.

Директор қираған үй тұрғындары құрылыс аяқталғанша уақытша тегін баспанамен қамтамасыз етілетінін айтты.

үйБұхар жырау көшесі - Malim

K7 Group компаниясының  өкілі Арсен Төлеуов 1-мамыр күні тұрғындар пікірін білу үшін онлайн тыңдалым өткізуге уәде берді.

«Тыңдалымды оффлайн режимде өткізуге санитарлық органдардан рұқсат ала алмадық. Қиратылғалы отырған үйлер 1950 жылдары салынған. Жұмысымыздың қала көркеюіне қосар үлесі зор. Аудандағы мектептер мен балабақшаны да өтеусіз негізде жөндеуден өткізбекпіз» - деді ол.

арсен толеуАрсен Төлеуов - K7 Group компаниясының  өкілі

Тұрғындардың бірі әкімдік олардың пікірін елеп-ескермей жатқанын айтып шағымданды.

«Urban Forum екі жыл бойы үйлердің жағдайын, аймақты тексеріп, реновациялаудың екі жобасын ұсынды. Тұрғындар оның бірімен келісіп отыр, әкімдікке де айтылды. Бірақ оны елеп жатқан ешкім жоқ. Өздері келіп, аспан тірейтін биік ғимарат құрылысын бастағалы отыр»

Тұрғындар инвесторлардың дәл осы аймақты таңдауының негізгі себебі болашақта түсетін табыспен байланысты деп есептейді.

көшеБұхар жырау көшесі - Malim

«Қайта салып, жөндеуден өткізетін болса, қаланың төмен жағында қирағалы тұрған үй көп қой. Бірақ ол жақтан қыруар қаржы табу мүмкін емес. Сол себепті қала орталығына көз салып отыр»

ghjatcjjh

Біраздан кейін жиналған елуге жуық тұрғынның бәрі бірдей реновациялауға қарсы емес екені белгілі болды.

«Менің өз пікірім бар. Балаларым, отбасым жарық, жөндеуден өткен, жаңа үйде тұрғанын қалаймын. 4 балам бар, оларды үйлендіремін, оқытамын, жайлы үйіміз болса дейміз. Бұл жағдайды табиғат апатымен байланыстырудың қажеті жоқ» - деді өзін консерватория профессорымын деп таныстырған ер адам.

h

«Мен он екі қабатты үйде тұрып, өмірімді қатерге тіккім келмейді. Оны былай қойғанда, ауа сапасы нашарлайды, пәтер саны артқан соң, тұрғындар көбейеді. Әр үйде кемі бір көлік бар. Аула тар, көше де солай. Кептеліс пайда болады. Мен ұсынатын басқа бір амал бар. Бізге тиіспесін, сол жетеді.

Біз Европадағыдай өмір сүрсек, болмай ма? Қаланың ескі орталығы, жаңа орталығы деп бөліп, ескі қала көрінісін сақтап қалуға болады ғой. Біздің үйіміз – тарих. Оны тек шағын жөндеу жұмысынан өткізіп, аулаларды көгалдандыруға болады ғой» - дейді Элеонора Хасанова.

v

Жаңа құрылысқа қарсы тұрғындар петицияға қол қойып, артынша Президентке видеожолдау түсіруге кетті. Қалған топ үйлерін жаңартуға қарсы емес екендерін айтып, тарқасты.

Байланысты жаналықтар

Моңғолиядағы наразылық. Көмір ұрлағандар тізімінде депутаттар бар

06.12.2022

Жұмыссыз ауыл тұрғындары жолды жауып тастады

30.06.2022

Алматыда «шетте қалған» студенттер наразылыққа шықты

26.11.2021

Шымкентте саяси қуғын-сүргін құрбандарының бейітінің үстіне жол салынған

18.11.2021

Сәлімовтің «сақалды» саябағы

23.10.2020

«Астана LRT» құрылысына 20 млрд бөлінді

19.10.2022
MalimBlocks
Моңғолиядағы наразылық. Көмір ұрлағандар тізімінде депутаттар бар

9 қылмыстық іс қозғалды

Жұмыссыз ауыл тұрғындары жолды жауып тастады

Тұрғындардың басым бөлігі  мұнай саласына жұмысқа орналастыруды талап етті

Алматыда «шетте қалған» студенттер наразылыққа шықты

Бүгін Алматыдағы Шет тілдер және іскерлік карьера университетінің (ШТІКУ) студенттері мен олардың ата-аналары оқу орны алдында наразылық акцияларын өткізді. Оларға жабылып қалған университеттің басшылары қолдау көрсетпеді.

Шымкентте саяси қуғын-сүргін құрбандарының бейітінің үстіне жол салынған

Шымкентте саяси қуғын-сүргінге ұшырағандардың бейітінің үстіне жол салына бастаған. Қазір құрылыс жұмыстары уақытша тоқтап тұр, деп хабарлайды 31 арна.

Сәлімовтің «сақалды» саябағы

«Астана LRT» құрылысына 20 млрд бөлінді