Маңғыстаулық музыка мамандары біліктілігін арттырды

Маңғыстауда ерекше білімді қажет ететін балалармен жұмыс істейтін музыка пәнінің 85 маманы біліктілік арттырды, деп хабарлайды Malim.kz.

Маңғыстау облысының білім басқармасының тапсырысы аясында «Қолдау» орталығы «Zerde+» әлеуметтік жобасын жүргізіп келеді.

Бүгін әлеуметтік жоба аясында ерекше білім беруді қажет ететін оқушыларды қолдау мақсатында аталған балалармен жұмыс жүргізуші музыка пәні мұғалімдеріне 8 сағаттық толық интенсив-курс ұйымдастырылды.

Қ. Сыдиықов атындағы Маңғыстау облыстық кітапханасының ғимаратында өткен курсқа өңірдің 85 маманы қатысып, өз біліктіліктерін жетілдіріп, тәжірибелерін арттырды. Курс барысында арнайы мамандар теориялық біліммен қатар, практикалық жаттығуларды үйреніп, ерекше балалармен жұмыс істеудегі ерекше әдіс-тәсілдермен танысты, деп жазылған хабарламада.

Курс спикері – тәжірибелі маман Шұға Қайырлиева білім беру ұйымдарынан қамтылған мамандардың сұрақтарына жауап беріп, өзекті мәселелер бойынша ұсыныстарын тыңдады.

Фото: Маңғыстау облысының білім басқармасы