Аймағамбетов ұстаздарға үндеу жасады

Malim Админ

  • 13.06.2021

Білім және ғылым министрі оқу жылының аяқталуына байланысты ұстаздарға үндеу жасады. Министр қашықтан оқыту кезінде әртүрлі себептерге байланысты артта қалған балаларға көмек қолын созып, қолдау білдіруді сұрады.

"Бұл оқу жылы аянбай қызмет еткен әр мұғалімнің ерен еңбегімен және ерлігімен есімізде қалары сөзсіз.  Мектептерге мүлдем жаңа оқыту әдістеріне көшу оңайға соқпағанын бәрі бірдей түсіне бермейді.

Өкінішке орай, біз дәстүрлі оқыту форматына толықтай көше алмадық. Пандемияның салдары білім беру жүйесіне әлі де әсер ететіні анық.

Дегенмен, Сіз барлық қиындық пен сын-тегеуріндерге қарамастан, сабақтарыңызды ұтымды ұйымдастырып, мүмкіндігінше жақсы нәтиже көрсете алдыңыз. Сіз ұстаз мамандығының сезімталдық, балаларға деген қамқорлық және адамгершілік сынды ең жақсы қасиеттерін танытудың жарқын үлгісіне айналдыңыз. Алайда, жұмсалған күш-жігерге қарамастан, қашықтан оқыту кезінде әртүрлі себептерге байланысты артта қалған балалардың білімдері мен басқа оқушылардың білім деңгейін салыстырғанда алшақтық байқалады. Бұл жағдайдың орын алғанына балалар кінәлі ме? Әрине, балалардың еш кінәсі жоқ. Олар дәстүрлі форматта білім алса, Сіздің қолдауыңызды сезініп, өздерін көрсете алар еді деп сенемін.

Оларға бұл олқылықтардың орнын толтыру үшін мүмкіндік беруіміз керек пе? Әлбетте. Мен, сіздің әріптесіңіз ретінде, мамандығымызға тән қасиет - ізгілікке ұмтылып, шәкірттеріңізге көмек қолын созуыңызды сұраймын.

Жігерлі әрі алғыр мектеп оқушыларымен жұмыс істеу оңайырақ. Дегенмен, пандемияға байланысты оқу бағдарламасынан қалып қойған оқушылармен жұмыс жасау оңай емес. Оқушылардың білімі бойынша артта қалуы олардың мүмкіндіктері сондай деген сөз емес. Білім берудегі олқылықтарды қиын жағдай мен оқушыларды жігерлендіру деңгейінің жеткіліксіздігімен сипаттауға болады. Мұндай балалар қазір барлық назарымызды қажет етеді. Олардың әлеуеті зор. Сондықтан балаларымызға қолдау көрсетуіміз керек.

Бүлдіршіндерімізді өз қамқорлығыңызға алып, қиындықтарға қарамастан олқылықтардың орнын қосымша сабақтар өткізу арқылы толтырасыздар деп үміттенемін. Менің бұл өтінішімді қабыл алуыңызды сұраймын", - деп жазады Асхат Аймағамбетов әлеуметтік желідегі парақшасында.

Сондай-ақ министр ұстаздарды вакцинация науқанында белсенді азаматтық ұстанымды білдіруге шақырды.

"Қымбатты әріптес! Хатымды аяқтай отырып, сізді вакцинация науқанында белсенді азаматтық ұстанымыңызды танытып, вакцинация туралы ғылыми деректерді тарату барысында көмек көрсетуіңізді сұраймын. Сондай-ақ аталған тақырып аясындағы жалған ақпаратпен күресуге шақырамын. Мен оқытудың дәстүрлі форматын қолдаймын және бүлдіршіндеріміз үшін мектеп есіктері айқара ашылады деп үміттенемін. Халық вакцинация науқанына неғұрлым белсенді қатысса, әдеттегі өмір ырғағына соғұрлым тезірек оралатынымыз сөзсіз", - делінген министр үндеуінде.

 

 

Байланысты жаналықтар

Димаш Құдайберген Алматыда түскен суретін жариялады

24.06.2024

VII ғасыр: Қазақстанда алғаш рет өте сирек кездесетін монета табылды

20.06.2024

Қазақстанның халық әртісі Торғын Тасыбекова қайтыс болды

19.06.2024

«Ханзада Жумонг» тарихи фильмде қазақ кейіпкерін сомдауға дайын екенін мәлімдеді

17.06.2024

Бүгін елімізде – Әкелер күні!

16.06.2024

Мұрат Әуезовті ақтық сапарына шығарып салды

16.06.2024
MalimBlocks
Димаш Құдайберген Алматыда түскен суретін жариялады

Димаш жанкүйерлерін тағы қуантып қойды.

VII ғасыр: Қазақстанда алғаш рет өте сирек кездесетін монета табылды

Қазір «Таңбалы» ғылыми-реставрациялық зертханасында бірегей артефактқа қатысты алғашқы консервациялық жұмыстар жүргізілуде.

Қазақстанның халық әртісі Торғын Тасыбекова қайтыс болды

Қаралы хабарды Мәдениет және ақпарат министрлігі растады.

«Ханзада Жумонг» тарихи фильмде қазақ кейіпкерін сомдауға дайын екенін мәлімдеді

Кореялық актер Қазақстанның мәдениеті мен жерінің көлеміне тәнті болған.

Бүгін елімізде – Әкелер күні!

Қазақстан халқы бұл күнді екінші рет атап өтіп жатыр

Мұрат Әуезовті ақтық сапарына шығарып салды

Рәсім М. Әуезов атындағы драма театрда өтті