Алматы музейінде Өзбекәлі Жәнібековке көрме ашылды

Көрмеде қоғам қайраткерінің отбасынан алынған фотолар, архивтік құжаттар, еңбектері мен марапаттары, киімдері, жеке заттары, қолжазбалары, эскиздері қойылды.

Malim Админ

  • 16.05.2024

Халықаралық музейлер күні аясында көрнекті мемлекет және қоғам қайраткері, этнограф-ғалым Өзбекәлі Жәнібековтің өмірі мен қызметіне арналған «Мәдени майдан» көрмесі Алматы музейінде ашылды, деп хабарлайды Kazinform.kz.

Көрмеде қоғам қайраткерінің отбасынан алынған фотолар, архивтік құжаттар, еңбектері мен марапаттары, киімдері, жеке заттары, қолжазбалары, эскиздері қойылды. Сондай-ақ Алматы музейі қорынан Өзбекәлі Жәнібековтің үлгісі бойынша тігілген «Сазген сазы» ансамблінің алғашқы орындаушысының сахналық киімі, фотосуреттері, музыкалық аспаптары мен Әзірет Сұлтан Мемлекеттік тарихи-мәдени музей қорығының қорынан алынған жеке заттары ұсынылды. 

Көрме кәсіби мерекеміз – Халықаралық мұражайлар күніне орай ұйымдастырылды. Көрмеге Өзбекәлі Жәнібековтің өзі қолданған 100-ден астам заттары қойылды. Оған қоса біз көрмеде Өзбекәлі Жәнібековтің музейлерді құрудағы еңбегін айырықша көрсетуге тырыстық. Себебі Өзбекәлі Жәнібеков 1971-1991 жылдардың аралығында елімізде 40 музейдің ашылуына үлес қосқан. Ол мұражайлар бүгінгі күнге дейін жұмыс істеп тұр. Көрме екі апта бойы болады, кіру тегін, - деді Алматы қаласы Музейлер бірлестігінің директоры Ләззат Сағындықова.

Айта кеткен жөн, Өзбекәлі Жәнібеков – қазақ халқының ұлттық мәдениеті мен өнерін дамыту жолында іргелі істер атқарған, салт-дәстүрдің, тарихи жәдігерлердің қайта жандануына ықпал еткен ұлт жанашыры. Оның бастамасымен Қазақстанда жүзге жуық музей мен этнографиялық залдар ашылып, «Сазген сазы», «Шертер», «Адырна», «Алтынай» фольклорлық-этнографиялық ән-би ансамбльдері, театрлар, «Казреставрация», «Бірегей ысқымен ойналатын музыкалық аспаптардың мемлекеттік коллекциясы» құрылды. 

Сонымен қатар оның арқасында Ұлы даланың бірқатар ескерткіштері сақталды. Қалпына келтірілген ескерткіштердің қатарында Қожа Ахмет Яссауи, Тәжік, Қарахан, Айша-бибі, Ақ-ұйық және Бабаджа-Хатун кесенелері мен Жаркент мешіті және Отырар археологиялық ескерткіштері бар. Өзбекәлі Жәнібековтің тікелей ықпалымен қазақтың төл мейрамы Наурыз қайта жанданып, қасиетті Тайқазан Қазақстанға қайтарылды. 

Фото: Алматы музейі

Байланысты жаналықтар

Астанада жоғалған жасөпірім қыздар Алматыдан табылды

17.06.2024

«Жалдамалы пәтерде түнеп шыққан». Полицейлер екі қыз баланы ата-анасына табыстады

15.06.2024

Алдағы демалыс күндері ауа райы қандай болады

14.06.2024

Бүгін ауа райы қандай болады

14.06.2024

Бүгін ауа райы қандай болады

13.06.2024

Алматыда қонақүйден өрт шықты

12.06.2024
MalimBlocks
Астанада жоғалған жасөпірім қыздар Алматыдан табылды

Полиция екі қызды келесі күні таңертең қаланы аралап жүрген жерінен тауып алған.

«Жалдамалы пәтерде түнеп шыққан». Полицейлер екі қыз баланы ата-анасына табыстады

Оларды Алматыдан тауып алған

Алдағы демалыс күндері ауа райы қандай болады

Еліміздің батысында ауа температурасы +33+42°С, оңтүстігінде +35+42°С, оңтүстік-шығысында +28+38°С, солтүстігінде +26+34°С, орталығында +25+33° С дейін, шығыста +21 + 31°С дейін жоғарылайды.

Бүгін ауа райы қандай болады

Ел аумағы бойынша жел күшейеді.

Бүгін ауа райы қандай болады

Жаңбыр жауады, күн күркірейді.

Алматыда қонақүйден өрт шықты

Зардап шеккендер туралы ақпарат түскен жоқ.